Mishan Impossible: తాప్సీ ‘మిషన్‌ ఇంపాజిబుల్‌’.. విడుదల ఆరోజే

ఇంటర్నెట్‌ డెస్క్‌: చాలాకాలం తర్వాత తాప్సీ నటించిన తెలుగు చిత్రం ‘మిషన్‌ ఇంపాజిబుల్‌’. ‘ఏజెంట్‌ సాయి శ్రీనివాస ఆత్రేయ’ ఫేం స్వరూప్‌. ఆర్‌. ఎస్‌. జె. ఈ చిత్రానికి దర్శకత్వం వహిస్తున్నారు. తాజాగా ఈ సినిమా విడుదల తేదీ ఖరారైంది. ఏప్రిల్‌ 1న ఈ చిత్రాన్ని ప్రేక్షకుల ముందుకు తీసుకొస్తున్నట్టు దర్శకనిర్మాతలు ప్రకటించారు. ఈ మేరకు ఓ పోస్టర్‌ను విడుదల చేశారు. ఇందులో తాప్సీతోపాటు ముగ్గురు చిన్నారులు పరుగు తీస్తూ కనిపించారు. ఈ విభిన్న కథా చిత్రాన్ని మ్యాట్నీ ఎంటర్‌టైన్‌మెంట్‌ పతాకంపై నిరంజన్‌రెడ్డి, అన్వేష్‌రెడ్డి సంయుక్తంగా నిర్మిస్తున్నారు. మలయాళీ నటుడు హరీశ్‌ కీలక పాత్ర పోషించిన ఈ సినిమాకి సంగీతం: మార్క్‌ కె. రాబిన్‌, ఛాయాగ్రహణం: దీపక్‌ యరగర, కూర్పు: రవితేజ గిరిజల, కళ: నాగేంద్ర.