Neru Movie Review: రివ్యూ: మోహన్లాన్ నటించిన మలయాళ బ్లాక్బస్టర్ ‘నెరు’ ఎలా ఉంది?
Neru Movie Review: మోహన్లాల్, ప్రియమణి కీలక పాత్రల్లో జీతూ జోసెఫ్ దర్శకత్వంలో రూపొందిన ‘నెరు’ ఎలా ఉందంటే?
Neru Movie Review; చిత్రం: నెరు; నటీనటులు: మోహన్లాల్, నందు, అనస్వర రాజన్, దినేష్ ప్రభాకర్, ప్రియమణి, కృష్ణ ప్రభ, సిద్ధిఖ్, జగదీష్, శంకర్ ఇందు చూడన్ తదితరులు; సంగీతం: విష్ణు శ్యామ్; సినిమాటోగ్రఫీ: సతీష్ కురుప్; ఎడిటింగ్: వి.ఎస్.వినాయక్; రచన: శాంతి మాయాదేవి, జీతూ జోసెఫ్; నిర్మాత: ఆంటోనీ పెరంబవూర్; దర్శకత్వం: జీతూ జోసెఫ్; స్ట్రీమింగ్ వేదిక: డిస్నీ+హాట్స్టార్
మోహన్లాల్ (Mohanlal) కీలక పాత్రలో జీతూ జోసెఫ్ దర్శకత్వంలో రూపొందిన కోర్టు రూమ్ డ్రామా ‘నెరు’ (Neru). డిసెంబరు 21న మలయాళంలో విడుదలైన ఈ చిత్రం బాక్సాఫీస్ వద్ద ఘన విజయాన్ని సొంతం చేసుకోవడమే కాకుండా, రూ.100 కోట్లకు పైగా వసూళ్లను రాబట్టింది. ఇప్పుడు డిస్నీ+హాట్స్టార్ (Disney Plus Hotstar) వేదికగా అందుబాటులోకి వచ్చిన ఈ మూవీ ఎలా ఉంది? (Neru movie review) తెలుగు ప్రేక్షకులను మెప్పిస్తుందా?
కథేంటంటే: సారా మహ్మద్ (అనస్వర రాజన్) అంధురాలు. గుర్తుతెలియని వ్యక్తి ఆమెపై అత్యాచారానికి ఒడిగడతాడు. ఈ దుర్మార్గానికి తెగబడింది ఎవరో గుర్తించలేక పోలీసులు సైతం ఓ దశలో చేతులు ఎత్తేస్తారు. స్వతహాగా శిల్పి అయిన సారా తనపై దారుణానికి పాల్పడిన వ్యక్తి రూపాన్ని శిల్పంగా తయారుచేస్తుంది. ఆ విగ్రహానికి దగ్గర పోలికలున్న మైఖేల్ జోసెఫ్ (శంకర్ ఇందుచూడన్) అనే యువకుడిని పోలీసులు అరెస్టు చేస్తారు. అతడు ముంబయికి చెందిన ప్రముఖ వ్యాపారవేత్త కొడుకు కావడంతో ఈ కేసు సంచలనంగా మారుతుంది. ఎంతటి క్లిష్టమైన కేసునైనా తన వాదనా పటిమతో గెలిపించగలిగే రాజశేఖర్ (సిద్ధిఖ్)ను మైఖేల్ తండ్రి అడ్వకేట్గా నియమించుకుంటాడు. దీంతో మైఖేల్కు బెయిల్ వస్తుంది. ఈ కేసును వాపసు తీసుకోమని మైఖేల్ కుటుంబం నుంచి సారాకు సెటిల్మెంట్ ఆఫర్ వస్తుంది. (Neru movie review) అయితే, అందుకు భిన్నంగా తాను ఓడిపోయినా పర్వాలేదని, న్యాయం కోసం పోరాటం చేస్తానని సారా చెబుతుంది. ఇన్వెస్టిగేషన్ ఆఫీసర్ సూచన మేరకు సారా తండ్రి.. లాయర్ విజయ్ మోహన్ (మోహన్లాల్)ను కలిసి, తన కేసు వాదించమని కోరతాడు. ఇంతకీ సారాపై అత్యాచారం చేసింది ఎవరు? విజయ్ మోహన్ కేసు టేకప్ చేసిన తర్వాత ఎలాంటి పరిణామాలు చోటుచేసుకున్నాయి?విజయ్మోహన్, పూర్ణిమా రాజశేఖర్ (ప్రియమణి)ల మధ్య ఉన్న బంధం ఏంటి? చివరకు అత్యాచారం చేసిన వ్యక్తిని ఎలా గుర్తించారు? తెలియాలంటే సినిమా చూడాల్సిందే!
ఎలా ఉందంటే: మోహన్లాల్- జీతూ జోసెఫ్ అంటే మన అందరికీ గుర్తొచ్చేది ‘దృశ్యం’ చిత్రాలే. మలయాళంలోనే కాదు, ఇతర భాషల్లోనూ ఘన విజయం సాధించిన చిత్రాలవి. అలాంటి కాంబినేషన్లో మూవీ అంటే అంచనాలు భారీగా ఉంటాయి. వాటికి తగినట్లే ‘నెరు’ని తెరకెక్కించడంలో సఫలమయ్యాడు దర్శకుడు. సారా ఇంట్లోనే ఆమెపై అత్యాచారం చేసిన ఘటనతోనే కథను మొదలు పెట్టి, తర్వాత జరగబోయే పరిణామాలను ఆసక్తిగా తిలకించేలా ప్రేక్షకులను సన్నద్ధం చేశాడు. (Neru movie review) జీతూ జోసెఫ్ శైలి కాస్త డిఫరెంట్. సినిమా అరగంట పూర్తయిన తర్వాత కథకు సంబంధించి చాలా విషయాలు ప్రేక్షకుడి ముందు పెట్టేస్తాడు. క్రైమ్ చేసింది ఎవరు? కోర్టు ప్రొసీడింగ్స్ ఎలా సాగుతాయి? కీలక పాత్రలు ఎలాంటి నిర్ణయాలు తీసుకుంటాయి? వంటి అంశాలపై ఒక అవగాహన వచ్చేస్తుంది. అయినా కూడా సినిమా ఆసక్తిగా చూడటానికి కారణం ఆయన స్క్రీన్ప్లే మేజిక్. ‘నెరు’లోనూ అది వర్కవుట్ అయింది. కంటిచూపు లేని ఓ యువతి.. ఆమెపై అత్యాచారం చేసిన వ్యక్తిని ఎలా కనిపెడుతుందన్నది యూనిక్ పాయింట్. అయితే, ఆమె శిల్పాలు చేయగలదన్న ఎలిమెంట్ జోడించి, కథను ముందుకు నడిపిన తీరు బాగుంది. లాయర్ విజయ్మోహన్గా మోహన్లాల్ వచ్చిన తర్వాతే కథలో కాస్త వేగం పెరుగుతుంది. అక్కడి నుంచి కోర్టులో సాగే, వాదోపవాదాలు, చర్చలు, మధ్యలో ఎదురయ్యే ప్రతిబంధకాలు వాటిని పరిష్కరిస్తూ వచ్చే క్లూలు ఇలా ప్రతి ఎలిమెంట్ ఆసక్తిగా అనిపించినా, వాటిని తెరపై ఎగ్జిక్యూట్ చేసిన విధానం కాస్త నెమ్మదిగా అనిపిస్తుంది. ముఖ్యంగా బాధితురాలిని కోర్టులో మైఖేల్ తరపు న్యాయవాది వేసే ప్రశ్నలు, కాస్త గందరగోళంగా అనిపిస్తాయి. ఎవిడెన్స్లు, వాదన ప్రతివాదనల సందర్భంగా సెక్షన్లు చెబుతూ సాగే డ్రామా సాధారణ ప్రేక్షకుడిని తికమక పెడుతుంది. అక్కడక్కడా ‘దృశ్యం’, ‘వకీల్సాబ్’ వంటి చిత్రాల రిఫరెన్స్లు కనపడతాయి. ఓవరాల్గా ఓ మంచి కోర్టు రూమ్ డ్రామాగా ‘నెరు’ మెప్పిస్తుంది.
ఎవరెలా చేశారంటే: లాయర్ విజయ్ మోహన్ లాంటి పాత్రలు మోహన్లాల్కు అరటిపండు ఒలిచినట్లే. కథకు, పాత్రకు తగినట్లు ఆయన ఒదిగిపోయారు. అంధురాలి పాత్ర పోషించిన అనస్వర రాజన్ నటన, పలికించిన హావభావాలు సినిమాకు హైలైట్. సిద్ధిఖ్, ప్రియమణి, దినేష్ ప్రభాకర్ తదితరులు తమ పాత్రలకు న్యాయం చేశారు. సాంకేతిక విభాగం పనితీరు బాగుంది. కోర్టు రూమ్ డ్రామాకు అవసరమైన అన్ని ఎలిమెంట్స్ చక్కగా కుదిరాయి. (Neru movie review) జీతూ జోసెఫ్ స్టైల్ టేకింగ్ గురించి చెప్పుకోవాలి. తన సినిమాల్లో క్రైమ్ చేసింది ఎవరో తెలిసినా.. తర్వాత ఏం జరుగుతుందన్న ఉత్కంఠతో నడిపే కథనమే ప్రేక్షకుడిని కూర్చోబెడుతుంది. ఇందులోనూ అది వందశాతం వర్కవుట్ అయింది.
కుటుంబంతో చూడొచ్చా: ఎలాంటి ఇబ్బంది లేకుండా చూడొచ్చు. డిస్నీ+హాట్స్టార్ వేదికగా స్ట్రీమింగ్ అవుతోంది. తెలుగులోనూ అందుబాటులో ఉంది.
- బలాలు
- + మోహన్లాల్, అనస్వర రాజన్ నటన
- + దర్శకత్వం
- + భావోద్వేగ సన్నివేశాలు
- బలహీనతలు
- - సుదీర్ఘంగా సాగే కొన్ని కోర్టు సీన్స్
- చివరిగా: నెరు.. ఎంగేజింగ్ కోర్ట్ రూమ్ డ్రామా (Neru movie review)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ప్రణయ విలాసం.. ‘ప్రేమలు’ హీరోయిన్ నటించిన సినిమా ఎలా ఉందంటే?
మమితా బైజు, అర్జున్ అశోకన్ తదితరులు ప్రధాన పాత్రల్లో నటించిన చిత్రం ‘ప్రణయ విలాసం’. ‘ఈటీవీ విన్’లో స్ట్రీమింగ్ అవుతున్న ఈ సినిమా కథేంటంటే? -
రివ్యూ : బాక్.. తమన్నా, రాశీఖన్నాల హారర్ మూవీ ఎలా ఉంది
baak movie review: ‘అరణ్మనై’ సిరీస్లో నాలుగో భాగంగా వచ్చిన ‘బాక్’మూవీ సినీ ప్రేక్షకులను మెప్పించిందా? -
రివ్యూ: ఆ ఒక్కటీ అడక్కు.. అల్లరి నరేష్ ఖాతాలో హిట్ పడిందా?
aa okkati adakku review: అల్లరి నరేష్, ఫరియా జంటగా నటించిన కామెడీ ఎంటర్టైనర్ మెప్పించిందా. -
రివ్యూ: శబరి.. వరలక్ష్మీ శరత్కుమార్ నటించిన థ్రిల్లర్ ఎలా ఉంది?
sabari movie review in telugu: వరలక్ష్మీ శరత్కుమార్, గణేశ్ వెంట్రామన్ కీలక పాత్రల్లో నటించిన ‘శబరి’ మెప్పించిందా? -
రివ్యూ: ప్రసన్నవదనం.. సుహాస్ ఖాతాలో హిట్ పడిందా?
సుహాస్ కీలక పాత్రలో ఫేస్ బ్లైండ్నెస్ కాన్సెప్ట్తో రూపొందిన థ్రిల్లర్ మూవీ ఎలా ఉంది. -
రివ్యూ హీరామండి: ది డైమండ్ బజార్.. సంజయ్లీలా భన్సాలీ ఫస్ట్ వెబ్సిరీస్ ఎలా ఉంది?
భారీ తారాగణంతో సంజయ్లీలా భన్సాలీ దర్శకత్వంలో రూపొందిన వెబ్సిరీస్ మెప్పించిందా? -
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా?
తాజా వార్తలు (Latest News)
-
విజయ్ దేవరకొండ బర్త్డే స్పెషల్.. మూడు సినిమాల అప్డేట్స్ ఇవే..
-
2023-24లో టీసీఎస్ సీఈఓ వేతనం రూ.25 కోట్లు
-
ఈనాడు.నెట్లో టాప్ 10 వార్తలు @ 1 PM
-
శాంపిట్రోడా వ్యాఖ్యలను ఖండించిన చంద్రబాబు
-
సందేశ్ఖాలీ ఘటనలో కీలక మలుపు.. టీఎంసీ నేతలపై కేసు వెనక్కి
-
ముంబయి ఇండియన్స్లో హార్దిక్పై అసంతృప్తి..!