నా నటనతో... ఆ పేరు మార్చేసుకుంటా!
అలా కన్నుగీటేసి... ఇలా కుర్రాళ్ల గుండెల్లో మంటలు రేపిన అందం... ప్రియా ప్రకాశ్ వారియర్. అంతర్జాలంలో వైరల్ అయిన ఆ ఒక్క వీడియోతో ఈమె జీవితమే మారిపోయింది.
అలా కన్నుగీటేసి... ఇలా కుర్రాళ్ల గుండెల్లో మంటలు రేపిన అందం... ప్రియా ప్రకాశ్ వారియర్. అంతర్జాలంలో వైరల్ అయిన ఆ ఒక్క వీడియోతో ఈమె జీవితమే మారిపోయింది. తొలి అడుగుల్లోనే దక్షిణాది మొదలుకొని బాలీవుడ్ వరకు పలు భాషల్లో నటించింది. ఇటీవల నితిన్ కథానాయకుడిగా నటించిన ‘చెక్’లో ఓ కథానాయికగా నటించిందీమె. ‘చెక్’ ఈ నెల 26న ప్రేక్షకుల ముందుకొస్తున్న సందర్భంగా ప్రియా ప్రకాశ్ వారియర్ ‘ఈనాడు సినిమా’తో ప్రత్యేకంగా ముచ్చటించింది. ఆ విషయాలివీ...
అలా మొదలైంది
‘‘తెలుగు సినీ పరిశ్రమ నుంచి అవకాశాలు వస్తూనే ఉన్నాయి. మంచి కథ కోసం ఎదురు చూస్తూ వచ్చా. ఇంతలో దర్శకుడు చంద్రశేఖర్ యేలేటి సర్ నుంచి ఫోన్ వచ్చింది. ఆయన తీసిన ‘మనమంతా’ సినిమా మలయాళంలో ‘విస్మయం’ పేరుతో వచ్చింది. నాకు బాగా నచ్చిన చిత్రమది. అది చూశాక ఈయన ఎంత గొప్ప దర్శకుడో అర్థమైంది. ఆయనే ఫోన్ చేసి ‘చెక్’లోని యాత్ర అనే పాత్రలో నువ్వు నటించాలని చెప్పగానే వెంటనే అంగీకారం తెలిపా. తెలుగులో నేను చేయడానికి సరైన సినిమా ఇదే అనిపించింది. అలా ‘చెక్’ సినిమాతో తెలుగులో నా ప్రయాణం మొదలైంది’’.
యాత్ర... నేను
‘‘సాహసాలకి వెనకాడని అమ్మాయి యాత్ర. కొన్ని విషయాల్లో నేను, యాత్ర ఒకలాగే ఉంటాం. ఆ పాత్రలోని సరదాతనం నా నిజ జీవితంలోనూ కొంచెం ఉంటుంది. అందుకే ఈ పాత్ర కోసం ప్రత్యేకంగా సన్నద్ధం కావాల్సిన అవసరం రాలేదు. అయితే చిత్రీకరణకి ముందు స్క్రిప్ట్ రీడింగ్ సెషన్ జరిగింది. దర్శకులు ముందే నాకు స్క్రిప్టు ఇచ్చి, నా పాత్రకి సంబంధించిన సంభాషణల్ని చదవమని చెప్పారు. వాటికి అర్థం తెలుసుకుంటూ నేను సిద్ధమయ్యా. మనం చెప్పాల్సిన సంభాషణల భావం తెలిస్తే మరింత బాగా నటించగలం. నా పాత్ర గురించి ఇప్పుడేమీ చెప్పలేను కానీ... ‘చెక్’ అనేది ఆదిత్య ప్రయాణం. అతని ప్రయాణంలో యాత్ర ముఖ్యమైన భాగం. అదెలా అనేది తెరపైనే చూడాలి. నితిన్ సీనియర్ నటుడు కావడంతో మొదట భయపడ్డా. కానీ సెట్లో తనతో కలిసి పనిచేయడం సౌకర్యంగా అనిపించింది. తెలుగులో ‘చెక్’తోపాటు, ‘ఇష్క్’ అనే మరో సినిమా చేశా. ఇప్పుడు తెలుగు బాగా అర్థం అవుతోంది. కొంతవరకు మాట్లాడతాను కూడా. ఇంకొన్ని సినిమాల తర్వాత సొంతంగా డబ్బింగ్ చెప్పుకొంటా’’.
అస్సలు వదలుకోను
‘‘దక్షిణాదిలో తమిళంలో తప్ప మిగతా మూడు ప్రధాన భాషల్లోనూ నటించా. హిందీలోనూ చేశా. ఒక భాషకి పరిమితం కాకుండా... ఎక్కడ మంచి కథ వస్తే అక్కడ నటిస్తూ ప్రయాణం చేస్తా. తమిళంలో ఇంకా నటించలేదు కాబట్టి... అక్కడా తొందరగా ఓ సినిమా చేసేయాలని ఉంది. నటనతోపాటు... నృత్యం, సంగీతంలోనూ నాకు ప్రవేశం ఉంది. కర్ణాటక సంగీతంలో శిక్షణ తీసుకున్నా. ‘చెక్’ సెట్లో నేను పాడటం చూసి దర్శకులు ఆశ్చర్యపోయారు. సినిమాలో నాతో పాడించాలనుకున్నారు కానీ... కుదరలేదు. కన్నడలో నేను నటించిన ‘విష్ణుప్రియ’ సినిమాలోనూ పాట పాడా. మలయాళంలోనూ పాడా. తెలుగు, హిందీల్లో ఆల్బమ్ గీతాలు ఆలపించా. సినిమాల్లో పాడే అవకాశం వస్తే అస్సలు వదులుకోను’’.
సరదా సరదాగా
‘‘21 ఏళ్ల ఓ సాధారణ అమ్మాయి ఎలా ఉంటుందో నేనూ అంతే. తోడుగా ఒకరున్నారంటే వాళ్లతో సరదాగా మాటలు చెప్పుకొంటూ గడిపేస్తా. సినిమాకి ఏమాత్రం సంబంధం లేని కుటుంబం మాది. మా నాన్న సెంట్రల్ జీఎస్టీ డిపార్ట్మెంట్లో పనిచేస్తారు. అమ్మ గృహిణి. నాకు తొమ్మిదో తరగతి చదువుతున్న ఓ తమ్ముడున్నాడు. తాతయ్య, నాన్నమ్మ... అందరం కలిసే ఉంటాం. అమ్మ బలవంతంతో అతికష్టం మీద గతజూన్లో బీకామ్ పూర్తి చేశా. ప్రస్తుతం నా దృష్టంతా సినిమాపైనే’’.
రాత్రికి రాత్రే
‘‘చిన్నప్పట్నుంచి నటన అంటే ఇష్టం. అద్దం ముందు నిలుచుని డైలాగులు చెప్పడం, ఏదో ఒక సన్నివేశం ఎంచుకుని నటించడంలాంటి పనులు చేసేదాన్ని. ఇంట్లోవాళ్లు ‘ఏదో సరదాగా చేస్తుందిలే’ అనుకున్నారు. కానీ ఇంటర్ టైమ్లో నేను ఆడిషన్స్లో పాల్గొనడం చూసి ‘సీరియస్గానే సినిమా కెరీర్ని ఎంచుకుంటున్నావా?’ అన్నారు. ఆ తర్వాత నా ఆసక్తిని ప్రోత్సహించారు. కొన్ని లఘు చిత్రాలు, ఓ చిత్రంలో చిన్న పాత్ర చేశాక... ‘లవర్స్ డే’లోని కన్నుగీటే సన్నివేశం అంతర్జాలంలో వైరల్ అయ్యింది. రాత్రికి రాత్రే నా జీవితంలో ఊహించని మార్పు. డిగ్రీ తొలి సెమిస్టర్ రోజులవి. అప్పటిదాకా స్నేహితులతో కలిసి కాలేజీకి, బయటకీ వెళ్లి సరదాగా గడిపిన నేను ఎక్కడికెళ్లాలన్నా ఆలోచించాల్సి వచ్చేది. అందరి దృష్టీ నాపైనే. మొదట్లో కొంచెం ఇబ్బందిగా అనిపించినా... ఆ తర్వాత ‘ఇదంతా నేను ఎంచుకుంటున్న వృత్తిలో భాగమే అని’ అర్థమైంది. ఇప్పటికీ ప్రేక్షకులు నన్ను వింక్ గాళ్ అనే పిలుస్తుంటారు. ఆ గుర్తింపు నా అదృష్టమే కానీ, ఇక నుంచి నా నటనతో ఆ పేరు మార్చుకోవాలి’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.
తాజా వార్తలు (Latest News)
-
ఫోన్ ట్యాపింగ్ కేసులో నిందితుల బెయిల్ పిటిషన్లపై తీర్పు
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
-
భారతీయులైతేనే.. అమెరికాలో సీఈవో ఛాన్స్: రాయబారి ఆసక్తికర వ్యాఖ్య
-
సల్మాన్ఖాన్ ఇల్లు మారుతున్నారా?
-
ఈనాడు.నెట్లో టాప్ 10 వార్తలు @ 5PM
-
ఆ ఇద్దరికి పగలంతా నిద్ర.. రాత్రంతా జాగారం: వసీమ్ అక్రమ్