Vikram: ‘విక్రమ్‌’ వచ్చేస్తున్నాడు.. మేకింగ్‌ మామూలుగా లేదు!

ఇంటర్నెట్‌డెస్క్‌: అగ్రకథానాయకుడు కమల్‌హాసన్‌ కీలకపాత్రలో నటిస్తోన్న చిత్రం ‘విక్రమ్‌’. బిగ్గెస్ట్‌ యాక్షన్‌ ఎంటర్‌టైనర్‌గా రూపుదిద్దుకుంటున్న ఈ చిత్రానికి ‘ఖైదీ’ ఫేమ్‌ లోకేశ్‌ కనగరాజు దర్శకత్వం వహిస్తున్నారు. ఇటీవల చిత్రీకరణ పూర్తి చేసుకున్న ఈ సినిమా విడుదల తేదీని సోమవారం ఉదయం చిత్రబృందం అధికారికంగా ప్రకటించింది. వేసవి కానుకగా జూన్‌ 3న ప్రపంచవ్యాప్తంగా ఈ చిత్రాన్ని విడుదల చేయనున్నారు. విడుదల తేదీతోపాటు ‘విక్రమ్‌’ మేకింగ్‌ వీడియోను అభిమానులతో మూవీ టీమ్‌ పంచుకుంది. యాక్షన్‌ సన్నివేశాల చిత్రీకరణకు సంబంధించిన గ్లింప్స్‌ని ఇందులో చూపించారు. పొలిటికల్‌ యాక్షన్‌ థ్రిల్లర్‌గా సాగే ఈ సినిమాలో విజయ్‌ సేతుపతి, మలయాళీ నటుడు ఫహద్‌ ఫాజిల్‌ కీ రోల్స్‌లో కనిపించనున్నారు. అనిరుధ్‌ స్వరాలు అందిస్తున్నారు. మరోవైపు ఇప్పటికే విడుదల చేసిన పలు ప్రచార చిత్రాలు ‘విక్రమ్‌’పై ఆసక్తిని రేకెత్తించాయి. చాలా రోజుల తర్వాత కమల్‌హాసన్‌ పవర్‌ఫుల్‌ రోల్‌ కనిపించనున్నారు.