Vyooham: ఓటీటీలో ‘వ్యూహం’.. స్ట్రీమింగ్‌ ఎక్కడంటే?

ఇంటర్నెట్‌డెస్క్‌: ‘వ్యూహం’ (Vyooham) పేరుతో ఓ తెలుగు వెబ్‌సిరీస్‌ ప్రేక్షకులను అలరించడానికి సిద్ధమైంది. సాయి సుశాంత్‌రెడ్డి, చైతన్యకృష్ణ, పావని గంగిరెడ్డి, రవీంద్ర విజయ్‌, శశాంక్‌ కీలక పాత్రల్లో శశికాంత్‌ పీసపాటి దర్శకత్వంలో ఈ ‘వ్యూహం’ తెరకెక్కింది. అన్నపూర్ణా స్టూడియోస్‌ బ్యానర్‌పై సుప్రియ యార్లగడ్డ ఈ సిరీస్‌ను నిర్మించారు. ఇప్పటికే చిత్రీకరణ పూర్తి చేసుకున్న ‘వ్యూహం’ డిసెంబరు 14వ తేదీ నుంచి ప్రముఖ ఓటీటీ వేదికగా అమెజాన్‌ ప్రైమ్‌ వీడియో వేదికగా తెలుగులో స్ట్రీమింగ్‌ కానుంది. ఈ విషయాన్ని తెలియజేస్తూ అమెజాన్‌ ప్రైమ్‌ పోస్టర్‌ను విడుదల చేసింది. క్రైమ్‌ ఇన్వెస్టిగేటివ్‌ థ్రిల్లర్‌గా ‘వ్యూహం’ (Vyooham) తీర్చిదిద్దినట్లు తెలుస్తోంది. న్యాయం కోసం ఓ పోలీస్‌ ఆఫీసర్‌ ఏం చేశాడన్న అంశాన్ని ఆసక్తికరంగా తీర్చిదిద్దారు.