Akhil: కోలీవుడ్‌ దర్శకుడితో అఖిల్‌ సినిమా..?

హైదరాబాద్‌: ‘ఏజెంట్‌’ (Agent)తో ఈ ఏడాది ఆరంభంలోనే పరాజయాన్ని అందుకున్నారు నటుడు అఖిల్‌ (Akhil). ఈ సినిమా తర్వాత ఆయన ఏ ప్రాజెక్టునూ ప్రకటించలేదు. ఈ క్రమంలోనే ఆయన తదుపరి సినిమా ఎవరితో చేస్తారో..? అని అభిమానులు ఆసక్తిగా ఎదురుచూస్తున్నారు. తాజాగా అఖిల్‌ కొత్త చిత్రానికి సంబంధించి ఓ వార్త నెట్టింట చక్కర్లు కొడుతోంది.

కోలీవుడ్‌ దర్శకుడు లింగుస్వామితో కలిసి ఆయన సినిమా చేయనున్నట్లు తెలుస్తోంది. ఈ మేరకు అఖిల్‌.. ఇప్పటికే లింగుస్వామి కథకు ఓకే చెప్పారంటూ ప్రచారం జరుగుతోంది. త్వరలోనే ఇది పట్టాలెక్కనుందన్నది దాని సారాంశం. అయితే, ఈ వార్తలకు సంబంధించిన ఎలాంటి అధికారిక ప్రకటన వెలువడలేదు. మరోవైపు ‘వారియర్‌’ తర్వాత లింగుస్వామి కూడా ఏ ప్రాజెక్ట్‌నూ ప్రకటించలేదు.

అతడి సంగతి నాకు తెలియదు.. నేనైతే రష్మికతో మాట్లాడుతున్నా: రక్షిత్‌శెట్టి

‘ఏజెంట్‌’ విషయానికి వస్తే.. యాక్షన్‌ ఎంటర్‌టైనర్‌గా తెరకెక్కిన ఈ చిత్రానికి సురేందర్‌ రెడ్డి దర్శకత్వం వహించారు. సాక్షి వైద్య కథానాయిక. ఎన్నో అంచనాల మధ్య విడుదలైన ఈ సినిమా అనుకోనివిధంగా పరాజయాన్ని అందుకుంది. తాజాగా ఈ సినిమా ఓటీటీ రిలీజ్‌కు రంగం సిద్ధమైది. ‘సోనీలివ్‌’ (SonyLiv)లో ఈ నెల 29 నుంచి స్ట్రీమింగ్‌కు అందుబాటులో ఉండనుంది.