Updated : 07 Nov 2021 15:02 IST

AFG vs NZ: భారత్‌ - పాక్‌ మ్యాచ్‌ కన్నా ఈ మ్యాచ్‌నే ఎక్కువ మంది చూస్తారు!

ఇంటర్నెట్‌డెస్క్‌: టీ20 ప్రపంచకప్‌లో మరికాసేపట్లో ప్రారంభమయ్యే అఫ్గానిస్థాన్‌ - న్యూజిలాండ్‌ మ్యాచ్‌ను కోట్లాది మంది చూస్తారని, ఒక విధంగా చెప్పాలంటే భారత్‌-పాక్‌ మ్యాచ్‌ కంటే ఎక్కువ మంది చూస్తారని టీమ్‌ఇండియా మాజీ సారథి సునీల్‌ గావస్కర్‌ అన్నాడు. తాజాగా ఓ జాతీయ మీడియాతో గావస్కర్‌ మాట్లాడాడు. భారత జట్టు సెమీస్‌ చేరే అవకాశాలు ఈ మ్యాచ్‌ ఫలితంపైనే ఆధారపడటంతో తన అభిప్రాయాలు పంచుకున్నాడు.

‘టీమ్‌ఇండియా సెమీస్‌  చేరాలంటే ఇది కీలకమైన మ్యాచ్‌ అని అందరికీ తెలిసిందే. దీన్ని కోట్లాది మంది వీక్షిస్తారు. ఒక విధంగా చెప్పాలంటే భారత్‌ - పాక్‌ మ్యాచ్‌ కన్నా అధికంగా వీక్షిస్తారు. అటు అఫ్గాన్‌ ప్రజలతోపాటు.. ఇక్కడి ప్రజలు కూడా చూస్తారు. ఈ నేపథ్యంలోనే ఈ ప్రపంచకప్‌ టోర్నీలో ఈ మ్యాచ్‌నే అత్యధిక మంది చూసి ఆనందించినా నేను ఆశ్చర్యపోను’ అని గావస్కర్‌ వివరించాడు. ఇక ఈ మ్యాచ్‌లో న్యూజిలాండ్‌, అఫ్గాన్‌లపై తీవ్ర ఒత్తిడి ఉంటుందని మాజీ సారథి పేర్కొన్నాడు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts