Instagram: ఇన్స్టాలో కొత్త రూల్.. సెల్ఫీ వీడియో, సోషల్ వోచింగ్తో వయసు ధ్రువీకరణ!
కొద్ది రోజుల క్రితం యూజర్లు తప్పనిసరిగా పుట్టిన తేదీ వివరాలు నమోదు చేయాల్సిందే అనే నిబంధనను ఇన్స్టాగ్రామ్ తీసుకొచ్చింది. తాజాగా దీనికి సంబంధించి మరో కొత్త ఫీచర్ను అందుబాటులోకి తీసుకురానున్నట్లు వెల్లడించింది.
ఇంటర్నెట్డెస్క్: యూజర్ల వ్యక్తిగత గోప్యతను మరింత మెరుగుపరుస్తూ, పిల్లల యాప్ వినియోగంలో మరింత పారదర్శకత ఉండేలా ఇన్స్టాగ్రామ్ ఎప్పటికప్పుడు సరికొత్త ఫీచర్లను పరిచయం చేస్తున్న విషయం తెలిసిందే. కొద్ది రోజుల క్రితం యూజర్లు తప్పనిసరిగా పుట్టిన తేదీ వివరాలు నమోదు చేయాల్సిందే అనే నిబంధనను తీసుకొచ్చింది. తాజాగా దీనికి సంబంధించి మరో కొత్త ఫీచర్ను అందుబాటులోకి తీసుకురానున్నట్లు వెల్లడించింది. యూజర్లు ఎవరైనా తమ పుట్టిన తేదీ వివరాలను అప్డేట్ చేయాలంటే తప్పనిసరిగా వారి గుర్తింపు కార్డుతోపాటు, సెల్ఫీ వీడియోను ఇన్స్టాగ్రామ్లో అప్లోడ్ చేయాల్సి ఉంటుంది. ప్రస్తుతం ఈ ఫీచర్ను అమెరికాలోని ఎంపిక చేసిన యూజర్ల ద్వారా పరీక్షిస్తున్నారు. త్వరలోనే అన్ని ప్రాంతాల్లోని యూజర్లకు ఈ ఫీచర్ అందుబాటులోకి తీసుకురానున్నట్లు ఇన్స్టాగ్రామ్ తెలిపింది.
ఎందుకీ ఫీచర్..?
వయసు ధ్రువీకరణ కోసం సెల్ఫీ వీడియో నిబంధన వెనుక ముఖ్యమైన కారణం ఉందని చెబుతోంది ఇన్స్టాగ్రామ్. ఈ పద్ధతి వల్ల పిల్లల ఇన్స్టాగ్రామ్ వినియోగం మరింత పారదర్శకంగా ఉండటంతోపాటు, అనవసరపు ప్రకటనలు, అపరిచత వ్యక్తుల పరిచయాలు, అశ్లీల కంటెంట్ వారి దరిచేరకుండా అడ్డుకోవచ్చని ఇన్స్టాగ్రామ్ చెబుతోంది. అయితే ఈ వయసు ధ్రువీకరణ కోసం రెండు పద్ధతులను ఇన్స్టాగ్రామ్ సూచిస్తోంది. అందులో మొదటిది సెల్ఫీ వీడియో (Selfie Video), రెండోది సోషల్ వోచింగ్ (Social Vouching).
సెల్ఫీ వీడియోతో ఏం చేస్తారు..?
ఇన్స్టాగ్రామ్లో వయసు ధ్రువీకరణ సెక్షన్ ఓపెన్ చేసిన వెంటనే అందులో మూడు ఆప్షన్స్ ఉంటాయి. వాటిలో టేక్ సెల్ఫీ వీడియో ఆప్షన్ ఎంచుకుని ఇన్స్టాగ్రామ్లో సూచించిన విధంగా వీడియోను రికార్డు చేయాలి. దాన్ని ఇన్స్టాగ్రామ్కు సబ్మిట్ చేసిన తర్వాత వెరిఫికేషన్ ప్రక్రియ ప్రారంభమవుతుంది. అలా సబ్మిట్ చేసిన వీడియోలను వెరిఫై చేసేందుకు యోటీ (Yoti) అనే వయసు ధ్రువీకరణ చేసే సంస్థతో కలిసి ఇన్స్టాగ్రామ్ పనిచేస్తుంది. వీడియో వెరిఫికేషన్ ప్రక్రియ పూర్తయి రిజల్ట్ వచ్చిన కొద్ది నిమిషాలకు వీడియో డిలీట్ అయిపోతుంది. ఈ ప్రక్రియం మొత్తం పూర్తవడానికి దాదాపు 20 నిమిషాల సమయం పడుతుంది.
సోషల్ వోచింగ్ ఎలా చేయాలి..?
సోషల్ వోచింగ్ ప్రక్రియలో యూజర్ వయసును మరో ముగ్గురు యూజర్లు ధ్రువీకరించాల్సి ఉంటుంది. అంటే ఇన్స్టాగ్రామ్లో మీ మ్యూచువల్ ఫాలోవర్స్ ఎవరైనా ఈ పని చేయొచ్చు. అయితే వారి కనీస వయసు తప్పనిసరిగా 18 ఏళ్లు ఉండాలి. మీకు సోషల్ వోచింగ్ చేసే సమయంలో మరెవరికి వారు వోచింగ్ చేయకూడదు. అలా మిమ్మల్ని సోషల్ వోచింగ్ చేయాల్సిన వ్యక్తులను ఎంపిక చేసుకున్న తర్వాత వారికి రిక్వెస్ట్ వెళుతుంది. రిక్వెస్ట్ అందుకున్న మూడు రోజుల లోపల వారు వోచింగ్ చేయాల్సి ఉంటుంది.
అలా పైన పేర్కొన్న పద్ధతుల్లో వయసు ధ్రువీకరణ పూర్తి చేయొచ్చు. ప్రస్తుతం పరీక్షల దశలో ఉన్న ఈ ఫీచర్ను త్వరలోనే యూజర్లు అందుబాటులోకి రానుంది. ప్రస్తుతం యూజర్లు వయసు ధ్రువీకరణ కోసం గుర్తింపు కార్డు సబ్మిట్ చేసిన తర్వాత 30 రోజులకు వెరిఫికేషన్ ప్రక్రియ పూర్తవుతుంది. యూజర్లు సబ్మిట్ చేసే గుర్తింపు కార్డు వివరాలు తమ సర్వర్లో భద్రంగా స్టోర్ అవుతాయని ఇన్స్టాగ్రామ్ తన బ్లాగ్లో పేర్కొంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
సైన్ఇన్ లేకుండానే ఛాట్జీపీటీ
ఛాట్జీపీటీని వాడుకోవాలంటే ముందు సైన్ఇన్ కావాల్సి ఉంటుంది. పాస్వర్డ్ను మరచిపోవటం వంటి సందర్భాల్లో ఇది కష్టంగా అనిపిస్తుంటుంది. -
ఎక్స్లో కమ్యూనిటీ నోట్స్
ఎన్నికలకు సన్నద్ధం అవుతున్న తరుణంలో ఎక్స్ (ట్విటర్) మనదేశంలో కమ్యూనిటీ నోట్స్ను అందుబాటులోకి తెచ్చింది. ఈ ఫీచర్కు కంట్రిబ్యూట్ చేయటానికి కొత్తవారికీ ఆహ్వానం పలికింది -
వైఫై పాస్వర్డ్ మరిచారా?
ఇంటికి వచ్చిన అతిథులో, పరిచయం ఉన్నవారో వైఫై పాస్వర్డ్ అడుగుతుంటారు. చాలాసార్లు అదేంటో గుర్తుకురాదు. మరెలా? చేతిలో ఫోన్ ఉంటే ఇట్టే తెలుసుకోవచ్చు. ఐఫోన్ వాడేవారైతే- సెటింగ్స్ ద్వారా వైఫై విభాగంలోకి వెళ్లాలి. -
సైబర్ నేరాలకు చక్షు కళ్లెం
మోసపూరిత కాల్స్, మెసేజ్ల వంటి సైబర్ నేరాలను అరికట్టటానికి టెలికం విభాగం కొత్త పోర్టల్ను పరిచయం చేసింది. సంచార్ సాథీ కార్యక్రమంలో భాగంగా తీసుకొచ్చిన దీని పేరు చక్షు. -
యాపిల్ పాడ్కాస్ట్లు అక్షరాల్లో..
పాడ్కాస్ట్లు ఎంత పాపులర్ అవుతున్నాయో చూస్తూనే ఉన్నాం. దీన్ని దృష్టిలో పెట్టుకునే యాపిల్ సంస్థ పాడ్కాస్ట్లను మరింత విస్తృతంగా అందుబాటులోకి తేవటానికి, వాటిల్లోని అంశాలను, విషయాలను తేలికగా కనుక్కోవటానికి ఓ వినూత్న ఫీచర్ను ప్రవేశపెట్టింది -
ఫొటోతోనే వీడియో..
షేక్స్పియర్ స్వగతాన్ని మోనాలిసా పాట రూపంలో పాడితే? అదెలా సాధ్యమని ఆశ్చర్యపోకండి. కృత్రిమ మేధ(ఏఐ)తో ఇలాంటి అద్భుతాలు ఎన్నయినా చేయొచ్చు -
చిటికెలో వెబ్సైట్
కొద్ది నిమిషాల్లో వెబ్సైట్ను సృష్టించుకోవాలని అనుకుంటున్నారా? అయితే విక్స్ ఏఐ వెబ్సైట్ బిల్డర్ సాయం తీసుకోవచ్చు. ఇది ఏఐ ఛాట్బాట్ సాయంతో సెకండ్లలోనే వెబ్సైట్ను తయారుచేస్తుంది మరి. -
మన డ్రోన్ ఉపగ్రహం!
డ్రోన్ల గురించి తెలిసిందే. వేడుకల్లో వీడియోలు తీయటం దగ్గరి నుంచి పొలాల్లో మందులు చల్లటం వరకూ రకరకాల పనులకు ఉపయోగపడుతున్నాయి. మరి ఇవి ఉపగ్రహం మాదిరిగానూ పనిచేస్తే? అలా ఉపయోగపడగల మానవరహిత బుల్లి విమాన వాహనాన్ని (అన్మ్యాన్డ్ ఏరియల్ వెహికల్- యూఏవీ) బెంగళూరులోని నేషనల్ ఏరోస్పేస్ ల్యాబోరేటరీస్ (ఎన్ఏఎల్) గతవారం విజయవంతంగా పరీక్షించింది. -
వాట్సప్లో ఫేవరెట్స్ ట్యాబ్
వాట్సప్ ఛాట్స్ జాబితాలో ఇష్టమైన కాంటాక్టులను కనుక్కోవటం కష్టంగా ఉందా? త్వరలోనే దీనికి పరిష్కారం లభించనుంది. కొత్తగా ఫేవరెట్స్ ట్యాబ్ను పరిచయం కానుంది. దీన్ని ప్రస్తుతం ఐఓఎస్, వెబ్ యూజర్ల కోసం పరీక్షిస్తున్నారు. -
ఎక్స్ క్యాచీ శుభ్రం
ఎక్స్ (ట్విటర్) మొబైల్ యాప్ ఫోన్లో, ట్యాబ్లెట్లో క్యాచ్డ్ ఫైళ్లను నిల్వ చేస్తుందని తెలుసా? ఒకవేళ ఫోన్లో స్టోరేజీ నిండుకుంటున్నట్టయితే ఎక్స్ వెబ్, మీడియా క్యాచీని తొలగించుకోవటం తేలికైన, సత్వర పరిష్కార మార్గంగా ఉపయోగపడుతుంది. -
టెక్ చిట్కాలు
ఇన్స్టాగ్రామ్ యూజర్లు ఇకపై బయోలో ఐదు లింకుల వరకు యాడ్ చేసుకోవచ్చు. యాప్లో లాగిన్ అయ్యాక అకౌంట్ సెటింగ్స్ను ఓపెన్ చేయాలి. మన ఫొటో దిగువన ఉండే ఎడిట్ ప్రొఫైల్లోకి వెళ్లి యాడ్ లింకును క్లిక్ చేయాలి. షేర్ చేయాలనుకునే లింకు జత చేసుకుంటే సరి. -
ప్రైవసీ విధాన వివరాలు తేలికగా ..
వెబ్సైట్లకు ప్రైవసీ పాలసీలు ఉండటం తెలిసిందే. వీటిని చాలామంది పెద్దగా పట్టించుకోరు. ఒకవేళ ఆయా విధానాలను చదవాలన్నా పెద్దగా ఉంటాయి. -
యూట్యూబ్ వీడియో ఆడియోగా మారితే
యూట్యూబ్ అంటే ఎప్పుడూ చూడటమేనా? రేడియో మాదిరిగా పాటలు, సంగీతాన్ని వినలేమా? కొన్నిసార్లు ఇలాగే అనిపిస్తుంటుంది. వీడియోలను ఆడియో ఫైళ్లుగా సేవ్ చేసుకుంటే ఇది సాధ్యమే -
సోషల్ ఖాతా హ్యాక్ అయితే?
ఫేస్బుక్, ఎక్స్, ఇన్స్టాగ్రామ్.. ఇలా ఎన్నెన్నో సామాజిక మాధ్యమాలు. అభిప్రాయాలు పంచుకోవటానికైనా.. చుట్టుపక్కల సమాచారాన్ని తెలుసుకోవటానికైనా ఇవి ఎంతగానో ఉపయోగపడుతున్నాయి -
అనవసర జీమెయిళ్ల తొలగింపు తేలికగా
అనవసర ఈమెయిళ్లు చాలా చికాకు కలిగిస్తాయి. రోజురోజుకీ ఇన్బాక్స్లో నిండిపోతూ వస్తుంటాయి. కొన్నిసార్లు వీటిని డిలీట్ చేయటానికే సమయమంతా వెచ్చించాల్సిన పరిస్థితి తలెత్తుతుంది. -
మెయిల్కు జవాబు మరుస్తుంటే?
మెయిల్ను చదువుతాం. తర్వాత జవాబిద్దామని అనుకుంటాం. తీరా మరచిపోతాం. ఎప్పటికో గానీ గుర్తుకురాదు. చాలాసార్లు ఇలాంటి పరిస్థితిని ఎదుర్కొంటూనే ఉంటాం కదా. -
ఫోన్ టైపింగ్ వేగంగా
స్మార్ట్ఫోన్లో వేగంగా టైప్ చేయాలనుకుంటున్నారా? అయితే టెక్స్ట్ రిప్లేస్మెంట్ సాయం తీసుకోండి. దీంతో పెద్ద పదబంధాలకు షార్ట్కట్స్ను సెట్ చేసుకుంటే చాలా సమయం ఆదా అవుతుంది. -
స్నాప్చాట్ లైవ్ లొకేషన్తో భద్రం
మీ పిల్లలు స్నాప్ఛాట్ వాడుతున్నారా? కాస్త జాగ్రత్త. దీనిలోని లైవ్ లొకేషన్ ఫీచర్ను కొందరు దుర్వినియోగం చేయొచ్చు. పిల్లలు ఎక్కడున్నారో గుర్తించొచ్చు. -
మన మెయిల్ మనకే!
కొత్త సంవత్సరంలో లక్ష్యాలు నిర్దేశించుకున్నారా? వాటిని ఎంతవరకు సాధించారో ఎప్పటికప్పుడు సమీక్షించుకోవటం ఎంతైనా మేలు చేస్తుంది. ఇంకా చేయాల్సిందేంటి? ఎలా చేయాలి? అనేవి నిర్ణయించుకోవటానికి వీలవుతుంది -
ఛాట్జీపీటీకి సమాచారమా?
ఛాట్జీపీటీ వాడుతున్నారా? దీనికి వ్యక్తిగత వివరాలూ ఇస్తున్నారా? అయితే జాగ్రత్త పడాల్సిందే. ఛాట్జీపీటీకి మనం ఇచ్చే సమాచారమంతా భవిష్యత్ ఏఐ నమూనాలకు తర్ఫీదు ఇవ్వటానికి ఉపయోగపడుతుంది. మున్ముందు ఇదెక్కడికి దారితీస్తుందో ఎవరికీ తెలియదు.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9PM
-
మహేశ్ బాబు, మమ్ముట్టి, షారుక్లతో సినిమా.. నెల్సన్ ప్లాన్ ఇదే..
-
టిబెట్ అంశంపై వారితో మాత్రమే చర్చిస్తాం : చైనా
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
పిఠాపురంలో రూ.80లక్షల విలువైన మద్యం పట్టివేత
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!