‘అన్నారం’లోని మూడో పంపు ట్రయల్‌ రన్‌

మంథని గ్రామీణం, న్యూస్‌టుడే: పెద్దపల్లి జిల్లా మంథని మండలం గుంజపడుగు సమీప అన్నారం (సరస్వతి) పంపు హౌస్‌ లో చెడిపోయిన మూడో పంపునకు మరమ్మతులు నిర్వహించిన అధికారులు సోమవారం రాత్రి ట్రయల్‌ రన్‌ చేశారు. గత జులైలో కురిసిన వర్షాలకు పంపు హౌస్‌లోకి వరద నీరు చేరడంతో 12 పంపులు మునిగి దెబ్బతిన్నాయి. వాటిలో ఇప్పటికే రెండు పంపులకు మరమ్మతులు చేపట్టి ట్రయల్‌ రన్‌ చేశారు. తాజాగా మూడో పంపును బాగు చేసి 10 నిమిషాల పాటు ట్రయల్‌ రన్‌ నిర్వహించారు. మంగళవారం పూర్తిస్థాయిలో ట్రయల్‌ రన్‌ చేపట్టడానికి అధికారులు చర్యలు తీసుకుంటున్నారు.