అభిషేక్‌ బోయిన్‌పల్లి మధ్యంతర బెయిల్‌ పొడిగింపు

ఈనాడు, దిల్లీ: దిల్లీ మద్యం కేసులో నిందితుడిగా ఉన్న అభిషేక్‌ బోయిన్‌పల్లి మధ్యంతర బెయిల్‌ను జులై 8 వరకు పొడిగిస్తూ సుప్రీంకోర్టు ఉత్తర్వులు జారీ చేసింది. ఈ మేరకు జస్టిస్‌ సంజీవ్‌ఖన్నా, జస్టిస్‌ దీపాంకర్‌దత్తలతో కూడిన ధర్మాసనం ఉత్తర్వులు జారీ చేసింది. ఆయన భార్య అనారోగ్యం కారణంగా కోర్టు మార్చి 20న తొలుత ఈయనకు 5 వారాల మధ్యంతర బెయిల్‌ ఇచ్చి ఏప్రిల్‌ 29కి తదుపరి విచారణను వాయిదా వేసింది. అయితే ఏప్రిల్‌ 18న అభిషేక్‌ తరఫు న్యాయవాదులు మళ్లీ ఈ కేసును ధర్మాసనం ముందుంచగా కోర్టు మధ్యంతర బెయిల్‌ను తదుపరి విచారణ తేదీ వరకు పొడిగిస్తున్నట్లు చెబుతూ కేసును మే 7కు వాయిదా వేసింది. మరోసారి తదుపరి విచారణ జులై 8కి వాయిదా వేసింది.