ఉత్తర గాజాలో చిన్నారులు ఆకలితో చనిపోతున్నారు!: డబ్ల్యూహెచ్‌వో డైరెక్టర్‌

ఉత్తర గాజాలో పిల్లలు ఆకలితో చనిపోతున్నారని ప్రపంచ ఆరోగ్య సంస్థ WHO డైరెక్టర్ జనరల్ టెడ్రోస్ అధనామ్ ఆవేదన వ్యక్తం చేశారు. చాలా మంది పోషకాహార లోపంతో బాధపడుతున్నారని తెలిపారు. 2023 అక్టోబరు తర్వాత ఉత్తర గాజాలోని అల్ -అవ్దా, కమల్ అద్వాన్ ఆస్పత్రులను సందర్శించిన WHO సిబ్బంది.. అక్కడి వివరాలను టెడ్రోస్  అధనామ్‌కు నివేదించింది. దీంతో ఆయన అక్కడి వివరాలను పేర్కొంటూ సామాజిక మాధ్యమం ఎక్స్‌లో పోస్టు చేశారు.