విశ్వరూపం
మనుషులు గొప్ప గొప్ప ఆశయాలతో మంచి వృత్తులు ఎన్నుకుని, ఎంతో కృషి చేసి విజయం సాధిస్తారు. మంచి పేరు తెచ్చుకుంటారు. కొందరైతే పుట్టుకతోనే గణనీయమైన ప్రతిభ, ప్రజ్ఞతో పుడతారు. లోక ప్రసిద్ధులవుతారు. మానవ జీవితంలో ఇంతకంటే ఆనందం ఏం ఉంది? ఏదో ఒకటి సాధించి గుర్తింపు, పేరు తెచ్చుకోవాలి.
మనుషులు గొప్ప గొప్ప ఆశయాలతో మంచి వృత్తులు ఎన్నుకుని, ఎంతో కృషి చేసి విజయం సాధిస్తారు. మంచి పేరు తెచ్చుకుంటారు. కొందరైతే పుట్టుకతోనే గణనీయమైన ప్రతిభ, ప్రజ్ఞతో పుడతారు. లోక ప్రసిద్ధులవుతారు. మానవ జీవితంలో ఇంతకంటే ఆనందం ఏం ఉంది? ఏదో ఒకటి సాధించి గుర్తింపు, పేరు తెచ్చుకోవాలి. ఆ పేరువల్ల కన్నవారికి ఇంటికి ఊరికి దేశానికి ఖ్యాతి తేవాలి. అదే నిజమైన జన్మ! అలాంటివారి జీవితం అందరికీ ఆదర్శప్రాయమవుతుంది. వారికి జేజేలు పలకాలి కాని ఇదొక్కటే కాదు, ఇంకా ఉంది అని చెబుతున్నాడు గీతాచార్యుడు. విలువిద్యలో అపరిమితమైన కృషి చేసి, అగ్రగామి అయిన అర్జునుడికి అదొక్కటే చాలదని, మానవ జీవన పరమార్థమైన ఆత్మను ఆత్మజ్ఞానాన్ని తెలుసుకొమ్మని చక్కగా బోధించాడు.
ఆత్మజ్ఞానం సూర్యుడిలాంటిది. సర్వజ్ఞానాలకు తల్లి వంటిది. అది సర్వాన్నీ ప్రకాశింపజేస్తుంది. జగద్విఖ్యాతి పొందిన విలుకాడైన అర్జునుడు యుద్ధంలో గడగడ వణికిపోవడానికి రథం దిగి పారిపోవడానికి కారణం ఆత్మజ్ఞానం లేక పోవడమేనని నిరూపించాడు!
‘నేను’ తెలియకపోతే ‘మనం’ గురించి తెలియదు. మనం తెలియకపోతే మనల్ని నడిపించే చైతన్యం గురించి తెలియదు. చైతన్యం తెలియకపోతే అంతరంగ దివ్యత్వం తెలియదు. అంత రంగంలోని దివ్యత్వం తెలియకపోతే మనిషి మహనీయుడని ఎన్నటికీ తెలియదు. ఇంత అధునాతన కాలంలోనూ మానవుడికి అనంత సత్యం గురించి తెలియాలా అని ఆశ్చర్యపోకూడదు. ఆ సత్యమే తన ఆత్మగా నడిపిస్తుందనే నిజం తెలియాలి. ఈ నిజం తెలిసిన మరుక్షణమే భౌతిక, మానసిక, ఆధ్యాత్మిక రుగ్మతలన్నింటికీ పరి ష్కారం దొరుకుతుంది. నీ చదువు పూర్తి అయిందా అని తండ్రి అడిగిన ప్రశ్నకు ప్రహ్లాదుడు చదువుల మర్మమెల్ల తెలిసిందని సమాధానమిచ్చాడు.
ఆత్మే సర్వానికి మూలం అని తెలిసిన మరుక్షణమే మన జీవన విధానం మారిపోతుంది. మంత్రం వేసినట్లు మాటలు మారిపోతాయి. చివరికి ప్రవర్తనలోనూ మార్పు వస్తుంది. లోకాన్ని చూసే విధానంలో ఇంతవరకు ఉన్న లోపాలేమిటో స్పష్టంగా తెలుస్తాయి. అయ్యో ఇంతకాలం వృథా అయిందని మనసు పశ్చాత్తాప పడుతుంది. ఇంతవరకు మనం ఎవరిని తిరస్కరించామో వాళ్లందరూ మన మిత్రులుగా కనిపిస్తారు. శత్రువులో శత్రువు మాయమైపోతాడు. అందరిపట్లా అవ్యాజమైన ప్రేమ కలుగుతుంది. శ్రీకృష్ణుడి బోధ తరవాత, అతడి పాదాల మీద పడి శరణు కోరాడు అర్జునుడు. ఎంతో తప్పు చేశానని విలపించాడు, మన్నించమని కోరాడు.
లోకజ్ఞానం అవసరం. ఆత్మజ్ఞానం అత్యవసరం. ఆ విషయం అందరికీ తెలియదు. లోకజ్ఞానానికి ఆత్మజ్ఞానం తోడవ్వాలి. అప్పుడు మనం చేసే ప్రతి పనీ సమాజోద్ధరణకు ఉపయోగపడుతుంది. తనను తాను క్షుణ్నంగా తెలుసుకున్నవాడు లోకహితం కోసం బతుకుతాడు. అందరిలో కలిసి ఉన్న నేనే నిజమైన నేను అని గ్రహిస్తే- ఆ నేను నుంచి వెయ్యేనుగుల బలం పొందుతాడు. చెట్టు తెలిస్తే అడవి తెలుస్తుంది. నది గురించి తెలిస్తే సముద్రం తెలుస్తుంది. మట్టిముద్ద గురించి తెలిస్తే భూమి మొత్తం తెలుస్తుంది. స్వస్వరూపం తెలిస్తే విశ్వరూపం తెలియదా?
ఆనందసాయి స్వామి
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
లోకులు పలు కాకులు
ఈ నానుడి మనం తరచుగా వింటుంటాం. లోకంలో ఉన్న మనుషుల్లో ఏ ఒక్కరి అభిప్రాయమూ వేరొకరి అభిప్రాయంతో దాదాపుగా కలవదు. ఎవరి ఆశయాలు వారివి. ఎవరి అభిరుచులు వారివి. ఎవరి అలవాట్లు వారివి. ఒకరినొకరు మార్చడమనేది అసాధ్యం. అసంభవం. -
శాంతి సౌభాగ్యాలు
కష్టకాలంలో మనసును ప్రశాంతంగా ఉంచుకోవాలి. ప్రశాంతమైన మనసులో శుభకరమైన ఆలోచనలు పుడతాయి. సమస్యలకు పరిష్కారాలు గోచరిస్తాయి. శాంతచిత్తులు రాగ ద్వేష క్రోధ రహితులవుతారు. -
సాధన పంచకం
మానవ జీవితాన్ని సక్రమ మార్గంలోకి మరల్చడానికి ఆదిశంకరాచార్యులు చేసిన రచనల్లో సాధన పంచకం ఒకటి. ఇందులో ఉన్నవి అయిదు శ్లోకాలే! ప్రతి శ్లోకానికి నాలుగు పాదాలు, ప్రతి పాదంలో రెండు బోధనల చొప్పున ఎనిమిది అంశాలు. వెరసి అయిదు శ్లోకాల్లో మొత్తం నలభై ఉపయోగకర సూత్రాలను బోధిస్తుందీ సాధన పంచకం. -
ధర్మ స్వరూపం
ఏ పని చేస్తే మనకు గానీ ఇతరులకు గానీ మంచి జరుగుతుందో అది ధర్మం. ఆ ధర్మం వల్ల మనుషులకు గానీ పశుపక్ష్యాదులకు గానీ నష్టం కలగకూడదు. పాంచభౌతిక పదార్థాలకూ చేటు కలగకూడదు. అటువంటి ధర్మం వల్ల సర్వత్రా మంచే జరగాలి. ధర్మం సముద్రం వంటిది. అది ఎంతో లోతైనది. కడలిలో రత్నాలు దాగి ఉన్నట్టే ధర్మంలో వినయం, శీలం వంటి సుగుణాలు ఇమిడి ఉంటాయి... -
విద్యాదానం
విద్య సంస్కారాన్ని నేర్పుతుంది. నైతికతను పెంచుతుంది. విద్య ద్వారా ఏది దైవమో, ఏది ధర్మమో, ఏది జడమో, ఏది చేతనమో, ఏది మట్టో, ఏది మాణిక్యమో బోధపడుతుంది. విద్యకు, వినయానికి అవినాభావ సంబంధముంది. ఎవరితో ఎలా ప్రవర్తించాలో విద్య నేర్పుతుంది. -
వైరాగ్య సుఖం
మనిషికి ఆశలు తీరనప్పుడు, ప్రయత్నాలు విఫలమైనప్పుడు, విషాద సంఘటనలు సంభవించినప్పుడు నిరాశా నిస్పృహలతో జీవితంపై విరక్తి పుట్టి సహజంగానే వైరాగ్య భావాలు ముంచెత్తుతాయి. నిజానికి వైరాగ్యమంటే తాత్కాలికంగా వచ్చిపోయే విరక్తి భావతరంగాలు మాత్రమే కాదు. -
పొందిగ్గా విజ్ఞతాయుతంగా...
సమయం సందర్భం తెలిసి మాట్లాడటం సంస్కారవంతుల లక్షణం. అలా కాకుండా అన్నింట్లో తలదూర్చి అప్రస్తుత అధిక ప్రసంగాలు చేసేవారు తమకు తెలియకుండానే అవివేకాన్ని బయట పెట్టుకుంటారు. మాటలపై అదుపు, వాటి ప్రయోగంపై పొదుపు లేకపోతే జీవితం గండిపడ్డ చెరువులా మారుతుంది. దేని గురించి ఎంత ఆలోచించాలో అంతే ఆలోచించాలి. -
గోవిందా... గోవింద!
పరమాత్ముడి అనుగ్రహం కలగాలంటే నామస్మరణే సులభమైన మార్గం. అదే విషయాన్ని పోతన ‘నోరునొవ్వంగ హరికీర్తి నుడువడేని...’ అని ప్రహ్లాదుడి పాత్రతో చెప్పించాడు. ‘గోవింద గోవిందయని పిలువరే’ అన్న పాటలోనూ ఆ విషయాన్నే చెప్పాడు అన్నమయ్య. -
నమామి నర్మదా
నదుల్ని ప్రత్యక్ష దైవస్వరూపాలుగా యజుర్వేదం అభివర్ణించింది. అలాంటి నదులతోనే నాగరికతలు పరిఢవిల్లాయి. జీవకోటి మనుగడకు పరమాత్మ జలాన్ని సృష్టించాడని పద్మపురాణోక్తి. నదుల్ని జలదేవతలుగా, నదీమతల్లులుగా ఆరాధించడం మన సంప్రదాయం. ఆ నేపథ్యంలోనిదే నదులకు నిర్వహించే పుష్కరోత్సవం. -
కర్మయోగం - జ్ఞానయోగం
పరమాత్మ సాక్షాత్కారం పొందడానికి మన శాస్త్ర గ్రంథాలు రెండు మార్గాలను సూచించాయి. వాటిలో ఒకటి కర్మయోగం, మరొకటి జ్ఞానయోగం. లోకంలో కర్మలు చేయకుండా ఎవరూ ఉండరు. ఏదో ఒకపని చేస్తూ ఫలాన్ని ఆశిస్తారు. -
విజయానికి సోపానం
జీవితంలో ఏదో సాధించాలన్న తపన అందరికీ ఉంటుంది. ఇలాంటి తపనే లేకపోతే మనిషి బతుకు బండబారుతుంది. గుండె రాయిగా మారి చివరికి ఆ మనిషి శిలగా మిగిలిపోతాడు. జీవితంలో ఏదో ఒకటి సాధించడానికి లక్ష్యం అంటూ ఉండాలి. ఏం కావాలో, ఎటు వెళ్ళాలో, ఏం చేయాలో... వీటిని గురించి ఆలోచించి ఒక నిర్ణయానికి రావాలి. -
సహనానికీ హద్దుంటుంది...
సహనం సంస్కారవంతమైన పదం. సహనశీలత గొప్ప మానవతా గుణం. సహనంతోనే శాంతిని సాధించాలి. నిజమే! ఎంతవరకు సహనం వహించాలనేదీ ఆలోచించాలి. కొంతవరకే సహనానికి మంచి ఫలితం ఉంటుంది. హద్దు మీరితే ఎంతటి సహనశీలుడైనా తిరగబడతాడు. సహనాన్ని కొందరు బలహీనతగా, చేతగానితనంగా భావిస్తారు. అనువుగాని చోట అధికులమనరాదు. ఒదిగి ఉండటం వల్ల చిన్నతనం రాదు. -
ధర్మమే సర్వం
‘ధర్మం పాటించండి’ అనే మాట సాధారణంగా వినిపిస్తుంది. రెండక్షరాల ఈ పదం వెనక చాలా పెద్దభావం ఉంది. లోతైన వివరణ ఉంది. చేయదగినపని, లక్షణం, స్వభావం, పద్ధతి, తగినది, దానగుణం అనే వివిధ అర్థాల్లో ఈ పదాన్ని వాడతారు. సమాజంలో ప్రతివారికీ ఏదో ఒక చేయదగిన పని ఉంటుంది. -
నిక్షిప్త నిధులు
అంతర్గత శక్తిని వ్యక్తీకరించగలిగే పనిని కనుక్కుంటే ఆనందాన్ని పొందవచ్చు. ఆ పని ద్వారా జోడించే విలువను ప్రపంచం గుర్తించేలా చేస్తే విజయం సాధించవచ్చు. -
పేరే పెన్నిధి
భువిలో మానవుడిగా జన్మించడం, పేరు కలిగి ఉండటం రెండూ అయాచిత వరాలే. సృష్టిలో పేరు కలిగి, తన పేరుకున్న ఔన్నత్యాన్ని కాపాడుకునే భాగ్యం ఒక్క మనిషిదే. ఎంతటి విద్యాపారంగతుడైనా, సకల కళా, శాస్త్ర ప్రవీణుడైనా పేరు లేకపోతే గుర్తింపునకు నోచుకోలేడు. -
మాటకు కట్టుబడితేనే...
చేతులకు ఎప్పుడూ దానం చేసే గుణం, నోటికి సత్యవాక్కు పలికే లక్షణం సజ్జనులకు సహజమైన అలంకారాలుగా శోభిస్తాయంటాడు భర్తృహరి. నిలబెట్టుకోలేని మాటలు పదేపదే చెబుతుంటే ఆ వ్యక్తి గౌరవం కోల్పోతాడు. సత్యంలో ధర్మం ప్రతిష్ఠితమై ఉంటుంది. సత్యపాలన చాలా కష్టమైన పని. అది కత్తిమీద సాము. సత్యంతో పాటు దానాన్నీ గొప్ప గుణంగా చెప్పుకొన్నాం. -
పున్నమిలో ఉన్నవి ఎన్నో...
చంద్రుడు షోడశ కళాప్రపూర్ణుడు. చంద్రుడు నిండుగా వెలుగొందే రోజు పౌర్ణమి. ప్రతి పౌర్ణమికీ ఒక్కో ప్రాధాన్యం ఉంది. చిత్ర నక్షత్రం పేరుతో చైత్ర పూర్ణిమ ఏర్పడింది. ఈ పర్వడిని ‘మహాచైత్రి’ అని అంటారు. ఈ రోజున చిత్రగుప్త వ్రతం చేస్తారు. -
నాలుగు మంచి మాటలు
‘రుషి కానివాడు కావ్యాన్ని రాయలేడు’ అనేది నానుడి. అంటే కావ్యాన్ని రాయడానికి తపస్సు చేసి సంపాదించినంత శక్తి కావాలని భావం. అలాంటి కావ్య ప్రక్రియలో నాటకాలు రమ్యంగా ఉంటాయట. ఆ నాటకాల్లో శాకుంతలం, అందులో నాలుగో అంకం, అందులో నాలుగు శ్లోకాలు మహాద్భుతంగా ఉండి ఆహ్లాదాన్ని కలిగిస్తాయనేది ఒక శ్లోక భావం. -
ప్రాప్తకాలం
అనంతమైన కాలంలో ప్రతిదానికీ కొంత కాల నియమం ఉంటుంది. ఏది ఎప్పుడు పుట్టాలో, పుట్టింది ఎంతకాలం ఉండాలో, ఎప్పుడు లయించాలో కాలం నిర్ణయిస్తుంది. ఏదీ కాలానికి అతీతంగా ఉండలేదు. -
పరమ గమ్యం
ఆధ్యాత్మికతను కొందరు మతంగా పొరపడతారు. వాస్తవానికి ఆధ్యాత్మికత అనేది గొప్ప నాగరికత. వ్యక్తి చేతనను ఉన్నతీకరించే ఒకానొక రసాయనిక ప్రక్రియ అది. తద్వారా సమాజాల హుందాతనాన్ని పెంచే సామాజిక ఉద్యమం పేరు- ఆధ్యాత్మికత. ఆదర్శప్రాయమైన శాంతియుతమైన సమాజాల ఆవిర్భావానికి మనిషి ఆధ్యాత్మిక సాధకుడు కావడమే గొప్ప ఆలంబన.
తాజా వార్తలు (Latest News)
-
రన్వేపై పేలిన బోయింగ్ విమానం టైరు..!
-
ఎయిరిండియా ఎక్స్ప్రెస్ సిబ్బంది సమ్మె విరమణ.. ఆ 25 మంది తొలగింపు వెనక్కి!
-
కెనడా ఏ ఆధారాలూ ఇవ్వలేదు.. నిజ్జర్ హత్య కేసుపై భారత్
-
వీసా లేకుండానే థాయిలాండ్కు.. మరో ఆరు నెలలు వెసులుబాటు
-
అసెంబ్లీలో అలా తిట్టుకోవడం చూసి షాకయ్యా..: చిరంజీవి
-
ఈనాడు.నెట్లో టాప్ 10 వార్తలు @ 9PM