Peddireddy Ramachandra Reddy: నాకు చెప్పకుండా సమ్మె చేస్తారా?

మా ప్రభుత్వ హయాంలో సమ్మె చేస్తే జీతాలు ఎలా ఇస్తాం?
ద్రవిడ వర్సిటీ పొరుగుసేవల ఉద్యోగులపై మంత్రి పెద్దిరెడ్డి ఆగ్రహం

కుప్పం గ్రామీణ, న్యూస్‌టుడే: తమ డిమాండ్ల సాధన కోసం 50 రోజులపాటు విధులు బహిష్కరించి సమ్మె చేపట్టామని.. ఈ సమ్మె కాలంలో తమకు జీతాలను అందించాలని ద్రవిడ వర్సిటీ పొరుగు సేవల ఉద్యోగులు శుక్రవారం కుప్పం పర్యటనకు వచ్చిన మంత్రి పెద్దిరెడ్డి రామచంద్రారెడ్డికి విజ్ఞప్తి చేశారు.  నాకు చెప్పకుండా సమ్మె చేస్తారా? మా ప్రభుత్వ హయాంలో సమ్మె చేస్తే జీతాలు ఎలా ఇస్తామంటూ.. సమ్మె కాలానికి ఎట్టి పరిస్థితుల్లో జీతాలు ఇచ్చేది లేదని మంత్రి తేల్చిచెప్పినట్లు పొరుగు సేవల ఉద్యోగులు వాపోయారు. ఈ విషయంలో  రెక్టార్‌తోపాటు రిజిస్ట్రార్‌పై కూడా మంత్రి అసహనం వ్యక్తం చేసినట్లు సమాచారం.