10 సెకన్లలో వ్యక్తిగత రుణం: హెచ్‌డీఎఫ్‌సీ బ్యాంక్‌

ఈనాడు, హైదరాబాద్‌: పండగల వేళ వివిధ అవసరాలకు, వస్తువుల కొనుగోళ్లకు రుణాలు వేగంగా జారీచేసేందుకు హెచ్‌డీఎఫ్‌సీ బ్యాంక్‌ ‘ఫెస్టివ్‌ ట్రీట్స్‌ 4.0’తో ముందుకు వచ్చింది. వినియోగదారులకు ఖాతాలు, రుణాలు, కార్డులు, నెలవారీ వాయిదాల్లో రాయితీలు ఇవ్వనున్నట్లు వెల్లడించింది. రూ.40లక్షల లోపు వ్యక్తిగత రుణాన్ని 10.50 శాతం వడ్డీకి అందిస్తున్నామని, తగిన అర్హతలుంటే 10 సెకన్లలోనే ఈ రుణాన్ని మంజూరు చేస్తున్నట్లు వెల్లడించింది. వ్యాపార రుణాలు తీసుకునే వారికి పరిశీలనా రుసుముపై 50 శాతం తగ్గింపు వర్తిస్తుందని పేర్కొంది. వాహన రుణాన్ని 7.90 శాతం వడ్డీకి ఇస్తున్నట్లు తెలిపింది. హెచ్‌డీఎఫ్‌సీ క్రెడిట్‌ కార్డు, ఈజీ ఈఎంఐని ఉపయోగించుకుని 24 నెలల సులభ వాయిదాల్లో చెల్లించే వెసులుబాటు కల్పించడంతోపాటు, ఎంపిక చేసిన బ్రాండ్ల కొనుగోలుపై 20 శాతం వరకు ఆదా చేసుకోవచ్చని వెల్లడించింది.