రూ.599 పోస్ట్‌పెయిడ్‌పై అపరిమిత డేటా: జియో

హైదరాబాద్‌: కొత్తగా పోస్ట్‌పెయిడ్‌ పథకాలను ప్రారంభించిన రిలయన్స్‌ జియో, అపరిమిత డేటా పథకాన్ని అందుబాటులోకి తెచ్చింది. నెలకు రూ.599 అద్దె చెల్లించే వారికి అపరిమిత కాల్స్‌తో పాటు రోజువారీ 4జీ డేటా అపరిమితంగా వినియోగించుకోవచ్చని తెలిపింది. 5జీ సేవలు అందుబాటులోకి వచ్చిన ప్రాంతాల్లో 5జీ డేటాను కూడా పరిమితి లేకుండా వాడుకోవచ్చు. రోజూ 100 ఎస్‌ఎంఎస్‌లు కూడా ఉచితమని పేర్కొంది. జియో టీవీ, జియో సినిమా, జియో క్లౌడ్‌ సేవలు కూడా వినియోగించుకోవచ్చు. ప్రీపెయిడ్‌ నుంచి పోస్ట్‌పెయిడ్‌కు మారాలనుకునే వారికి 30 రోజుల పాటు ఈ సేవలు ఉచితమని తెలిపింది.