పొరుగుకూ సాయం!

దిల్లీ: విదేశీ వ్యవహారాల మంత్రిత్వ శాఖకు రూ.22,154 కోట్లను కేటాయించారు. గత బడ్జెట్‌(రూ.18,050 కోట్లు)తో పోలిస్తే ఈ నిధులు ఎక్కువ. పొరుగు దేశాలతో బంధాన్ని బలోపేతం చేసేందుకు నిర్మలా సీతారామన్‌ ప్రాధాన్యం ఇచ్చారు. మన దేశం అవలంబిస్తున్న ‘పొరుగుకే తొలి ప్రాధాన్యం’ విధానంలో భాగంగా సరిహద్దు దేశమైన భూటాన్‌ అభివృద్ధికి రూ.2,068 కోట్లను కేటాయించారు. మాల్దీవులకు అభివృద్ధి సాయంగా రూ.600 కోట్లను ప్రకటించారు. నేపాల్‌కు రూ.700 కోట్లు, అఫ్గానిస్థాన్‌కు రూ.200 కోట్లు, బంగ్లాదేశ్‌కు రూ.120 కోట్లను అభివృద్ధి సాయంగా కేటాయించారు. ఇరాన్‌తో అనుసంధాన ప్రాజెక్టులపై ప్రత్యేక దృష్టి పెట్టిన కేంద్రం ఆ దేశంలోని చాబహార్‌ పోర్టు నిర్వహణకు రూ.100 కోట్లను ప్రకటించింది.