పసిడిలో లాభాల స్వీకరణ!

కమొడిటీస్‌
ఈ వారం

పసిడి,వెండి

పసిడి ఇటీవల రూ.73,925 వద్ద గరిష్ఠాన్ని తాకిన తర్వాత లాభాల స్వీకరణ కనిపిస్తోంది. ఇదే ధోరణి కొనసాగితే జూన్‌ కాంట్రాక్టు ఈ వారం రూ.69,418 వరకు పడిపోవచ్చు. ఒకవేళ రూ.69,334 స్థాయి దిగువన కదలాడితే రూ.69,200; రూ.68,318 వరకు తగ్గొచ్చు. సానుకూలంగా కదలాడితే 71,550; రూ.72,432; రూ.73,166 వరకు రాణించే అవకాశం ఉంటుంది. వెండి జూన్‌ కాంట్రాక్టు ఈవారం రూ.82,397 కంటే పైకి వెళితే రూ.83,751 వరకు వెళ్లొచ్చు. అయితే ప్రతికూల ధోరణిలో కదలాడితే రూ.79,982 వద్ద మద్దతు లభించవచ్చు. ఈ స్థాయిని కోల్పోతే రూ.78,921కు దిగి వచ్చే అవకాశం ఉంటుంది.

ప్రాథమిక లోహాలు

• రాగి మే కాంట్రాక్టు ఈవారం సానుకూల ధోరణిలో చలిస్తే రూ.868.85 వద్ద నిరోధం ఎదురయ్యే అవకాశం ఉంది. దీనిని అధిగమిస్తే రూ.882.40 వరకు రాణించవచ్చు. ఒకవేళ రూ.842.55 కంటే దిగున కదలాడితే రూ.829.80 వరకు దిద్దుబాటు అవుతుందని భావించవచ్చు.
• సీసం మే కాంట్రాక్టు ఈ వారం రూ.194.70 కంటే పైన చలించకుంటే దిద్దుబాటు ఆస్కారం ఉండే అవకాశం ఉంటుంది. రూ.192.45 వద్ద నిరోధం, 190.20 వద్ద మద్దతు లభించొచ్చు..
• జింక్‌ మే కాంట్రాక్టు ఈ వారం రూ.252.85 కంటే దిగువన కదలాడితే మరింతగా కిందకు రావచ్చు.
• అల్యూమినియం మే కాంట్రాక్టుకు ఈ వారం రూ.228.35 వద్ద మద్దతు కనిపిస్తోంది. ఈ స్థాయిని కోల్పోతే రూ.223.45కు పడిపోవచ్చు.

ఇంధన రంగం

• ముడి చమురు మే కాంట్రాక్టుకు ఈ వారం సానుకూల ధోరణి కొనసాగితే రూ.7,162,   రూ.7,319 వరకు పెరిగే అవకాశం ఉంటుంది. అదేవిధంగా రూ.6,389 కంటే దిగువన కదలాడితే రూ.6,232; రూ.5,924 వరకు దిద్దుబాటు కావచ్చు
• సహజవాయువు మే కాంట్రాక్టు ఈవారం రూ.166 కంటే దిగువన చలించకుంటే.. మరింతగా రాణిస్తుందని భావించవచ్చు.రూ.186.15 వద్ద నిరోధం ఎదురవుతుందనే విషయాన్ని దృష్టిలో ఉంచుకోవాలి.

వ్యవసాయ ఉత్పత్తులు

పసుపు జూన్‌ కాంట్రాక్టుకు ఈవారం రూ.18,498 వద్ద మద్దతు కనిపిస్తోంది. ఈ స్థాయిని కోల్పోతే రూ.18,145; రూ.17,650కు పడిపోవచ్చు. అదేవిధంగా సానుకూల ధోరణిలో కదలాడితే రూ.19,346 వద్ద నిరోధం ఎదురుకావచ్చు. దీనిని అధిగమిస్తే రూ.19,841; రూ.20,194 వరకు పెరుగుతుందని భావించవచ్చు.

పత్తి క్యాండీ మే కాంట్రాక్టు ఈవారం రూ.56,840 కంటే కిందకు వస్తే   రూ.56,020 వరకు దిద్దుబాటు కావచ్చు. ఒకవేళ రూ.58,640 స్థాయిని మించితే రూ.59,620 వరకు రాణించే అవకాశం ఉంటుంది.

ఆర్‌ఎల్‌పీ కమొడిటీ అండ్‌ డెరివేటివ్స్‌