Crime News: అసూయతో ఆవు పొదుగు కోసి పైశాచికం

బీరప్ప

హిందూపురం పట్టణం, న్యూస్‌టుడే: తన వద్ద ఉన్నప్పుడు ఎక్కువ పాలు ఇవ్వని ఆవు.. అమ్మేసిన తర్వాత ఎక్కువ ఇస్తోందన్న అసూయతో ఆవు పొదుగును కోసిన అమానవీయ ఘటన మంగళవారం హిందూపురం పట్టణంలోని శ్రీకంఠపురంలో చోటు చేసుకొంది. ఆ ప్రాంతానికి చెందిన బీరప్ప తక్కువ పాలు ఇస్తోందని తన ఆవును వారం కిందట అదే కాలనీలోని మరొకరికి విక్రయించాడు. వారు నిత్యం పచ్చిమేత, దాణా అందించడంతో ఎక్కువ పాలు ఇస్తోంది. తన దగ్గర ఉన్నప్పుడు తక్కువ ఇచ్చి, వారికి ఎక్కువ ఇస్తోందని బీరప్పలో అసూయ, ద్వేషం రగిలిపోయింది. దీంతో గడ్డివాము దగ్గర ఉన్న ఆవు వద్దకు వెళ్లి పొదుగును కోసేశాడు. స్థానికులు అతనికి దేహశుద్ధి చేసి పోలీసులకు అప్పగించారు.