సొంత నిధులు వెచ్చించినా అందని బిల్లులు

ఆలమూరులో సొంత నిధులతో నిర్మించిన సీసీ రోడ్డు

తపోవనం (అనంత గ్రామీణం): సొమ్ము ఒకరిది.. సోకు మరొకరిది అన్న సామెతకు నిలువెత్తు నిదర్శనం పంచాయతీలు. కేంద్రం గ్రామ పంచాయతీలకు నిధులు విడుదల చేస్తే.. రాష్ట్ర ప్రభుత్వం ఎంచక్కా వాడేసుకుని పబ్బం గడిపింది. రెండేళ్ల నుంచి స్టాంపుడ్యూటీ సర్‌ఛార్జి విడుదల కాకపోవడంతో అభివృద్ధి పనులన్నీ అటకెక్కాయి. ఆలమూరు గ్రామంలో సర్పంచి జి.సౌమ్య రూ.16 లక్షలు వెచ్చించి సిమెంటు రహదారులు, మురుగు కాలువలు నిర్మించారు. పంచాయతీకి ఒకసారి నిధులు రావడంతో రూ.5 లక్షల బిల్లు వచ్చింది. మరో రూ.12 లక్షల వరకు బిల్లులు రావాల్సి ఉంది. అనంతపురం గ్రామీణ మండలంలోని 25 గ్రామ పంచాయతీల ఆర్థిక పరిస్థితి దారుణంగా మారింది. అప్పులకు వడ్డీలు చెల్లించలేక సర్పంచులు పడుతున్న బాధలు వర్ణనాతీతం.