చంద్రబాబుతోనే రాష్ట్రానికి భవిష్యత్తు: బీవీ

ఎమ్మిగనూరు, న్యూస్‌టుడే: రాష్ట్రంలో యువత ఉద్యోగాలు, అభివృద్ధి సాధించాలంటే చంద్రబాబుతోనే సాధ్యమని, ప్రతి ఒక్కరూ తెదేపాను గెలిపించాలని ఎమ్మిగనూరు తెదేపా అభ్యర్థి బీవీ జయనాగేశ్వరరెడ్డి అన్నారు. శుక్రవారం ఆయన ఎమ్మిగనూరు పట్టణంలో 9వ వార్డు, కబరస్థాన్‌ కొట్టాలలో ప్రచారం నిర్వహించారు. రాష్ట్రంలో ఐదేళ్ల వైకాపా పాలనలో కనీసం రోడ్లు వేయలేకపోయారని పేర్కొన్నారు. గుంతలుపడ్డ దారులకు మరమ్మతులు చేపట్టకుండా ఎమ్మెల్యే నిర్లక్ష్యం చేశారని ఆరోపించారు. వైకాపా పాలనలో ఎమ్మిగనూరు పట్టణం 20 ఏళ్ల అభివృద్ధి వెనుకబడిపోయిందన్నారు. తెదేపా నాయకులు రాజేంద్ర, ఇబ్రహీం, రాందాస్‌గౌడు, సుందరరాజు, దయాసాగర్‌ పాల్గొన్నారు.