Bandi Sanjay: బండి సంజయ్‌ పాదయాత్రలో ఉద్రిక్తత

ఇటిక్యాల: భాజపా తెలంగాణ శాఖ రాష్ట్ర అధ్యక్షుడు బండి సంజయ్‌ నిర్వహిస్తున్న ‘ప్రజా సంగ్రామ పాదయాత్ర’లో స్వల్ప ఉద్రిక్తత చోటుచేసుకుంది. తెరాస శ్రేణులు పాదయాత్రను అడ్డుకునే ప్రయత్నం చేశాయి. జోగులాంబ గద్వాల జిల్లా ఇటిక్యాల మండలం వేముల వద్ద కొందరు తెరాస కార్యకర్తలు బండి సంజయ్‌ను అడ్డుకునేందుకు యత్నించగా పోలీసులు నిలువరించారు. తెరాస కార్యకర్తలను అడ్డుకుని వేరే ప్రదేశానికి తరలించారు. తెరాస కార్యకర్తలు తమ పాదయాత్రను అడ్డుకునేందుకు యత్నించడంపై భాజపా శ్రేణులు ఆగ్రహం వ్యక్తం చేశాయి. సీఎం కేసీఆర్‌కు వ్యతిరేకంగా భాజపా కార్యకర్తలు నినాదాలు చేశారు.