నేడు చంద్రబాబును కలవనున్న చిరంజీవిరావు

వన్‌టౌన్‌, న్యూస్‌టుడే: ఉత్తరాంధ్ర పట్టభద్రుల శాసనమండలి స్థానం నుంచి ఎన్నికైన తెదేపా అభ్యర్థి డాక్టర్‌ వేపాడ చిరంజీవిరావు  పార్టీ అధినేత చంద్రబాబునాయుడును సోమవారం కలవనున్నారు. ఈ మేరకు పార్టీ ప్రధాన కార్యాలయం నుంచి పిలుపు వచ్చింది. అమరావతిలోని పార్టీ కార్యాలయంలో మధ్యాహ్నం 2గంటలకు చంద్రబాబును కలిసి కృతజ్ఞతలు తెలపనున్నారు. అనంతరం అక్కడి నుంచి బయలుదేరి తెదేపా జాతీయ ప్రధాన కార్యదర్శి నారా లోకేశ్‌ పాదయాత్రలో పాల్గొనేందుకు వేపాడతో పాటు పార్టీ నేతలు వెళ్లనున్నారు. తాను కదిరి వెళ్లి లోకేశ్‌ పాదయాత్రలో పాల్గొంటానని తెదేపా విశాఖ లోక్‌సభ నియోజకవర్గ అధ్యక్షులు పల్లా శ్రీనివాసరావు తెలిపారు.