పేలిన బాంబులు..ఎగిరిపడిన వాహనాలు

పేలుడు సన్నివేశం చిత్రీకరణ

అచ్యుతాపురం, న్యూస్‌టుడే: తంతడి-వాడపాలెం తీరంలో హీరో కళ్యాణ్‌రామ్‌ నటిస్తున్న ‘డెవిల్‌’ సినిమా చిత్రీకరణ శరవేగంగా సాగుతోంది. 1945 ముందు స్వాతంత్య్ర పోరాట కాలంనాటి కథగా తెరకెక్కిస్తున్న ఈ సినిమాకు సంబంధించిన క్లైమాక్స్‌ ఫైట్‌ను తీరం వద్ద చిత్రీకరిస్తున్నారు. దీనిలో భాగంగా శుక్రవారం జీపులు, లారీలు, ఫిరంగులు, సాయుధ బలగాలతో బ్రిటిష్‌వాళ్లు ముందుకు వెళ్తుండగా ల్యాండ్‌మైన్‌ పేలి జీపు 20 అడుగుల ఎత్తువరకు గాల్లో ఎగరడం, వెనుక చాలా బాంబులు ఒకదాని వెనుక మరొకటి పేలిపోవడాన్ని చిత్రీకరించారు. బాంబులు పేలి వాహనాలు గాల్లో ఎగరడం మొదటిసారి ప్రత్యక్షంగా చూసిన స్థానికులు సంబరపడ్డారు. ఈ సినిమా షూటింగ్‌ 75 శాతం వరకు పూర్తయిందని, ఈనెల 5వరకు ఇక్కడ చిత్రీకరణ ఉంటుందని చిత్ర యూనిట్‌ తెలిపింది.