వైకాపా అండదండలు... నేతలే అనకొండలు..!

అధికార వైకాపా అండదండలతో నేతలు అనకొండల్లా కొండలు, గుట్టలను మింగేస్తున్నారు. ‘పచ్చని చెట్లను నరికేస్తే మళ్లీ నాటుకోవచ్చు. అదే కొండలు, గుట్టలను కొల్లగొడితే వాటి ఉనికినే కోల్పోయే ప్రమాదం ఉంది’ అని న్యాయస్థానాలు అక్షింతలు వేసినా, ప్రకృతి ప్రేమికులు ఆందోళన వ్యక్తం చేస్తున్నా అధికార నేతల చెవికెక్కడంలేదు. సీఎం జగన్‌ పాలనలో మట్టి మాఫియా ఇష్టారాజ్యంగా పేట్రేగి పోతోంది. జిల్లాలో ఎక్కడైనా కొండ, గుట్ట గానీ కనిపిస్తే చాలు మట్టి కోసం రాబందుల్లా వాలిపోతూ కాసుల వేట సాగిస్తూ మట్టి దందా సాగిస్తున్నారు. దోచుకోవడం... దాచుకోవడమే లక్ష్యంగా కొండలను పిండి చేస్తున్నారు... గుట్టలను మాయం చేసేస్తున్నారు.