China : చైనాలో పెరుగుతున్న ‘లేయింగ్ డౌన్ ’కల్చర్.. లీ షు జీవితం ఓ ఉదాహరణ!
చైనాకు (China) చెందిన ఓ 29 ఏళ్ల యువకుడు పనీపాట లేకుండా ఓ టెంటులో జీవనం సాగిస్తున్నాడు. క్రమంగా పెరుగుతున్న ఈ సంస్కృతిని అక్కడ ‘లేయింగ్ డౌన్’ (Lying down) కల్చర్ అని పిలుస్తున్నారు.
చైనాలో (China) నిరంతరం పని ఒత్తిడి (Work pressure) అక్కడి యువతలో విపరీతమైన మార్పు తీసుకొస్తోంది. వారాంతాల్లో ప్రశాంతత కోసం ప్రార్థనా మందిరాలకు (Temple tourism) వెళ్తున్న వారి సంఖ్య పెరుగుతోందని ఇటీవల నిర్వహించిన సర్వేలో వెల్లడైంది. కొందరు ఏకంగా పని మానేసి విశ్రాంతి తీసుకోవడం (Lying down) మొదలుపెట్టారని తాజాగా ఓ యువకుడి ఉదంతం వెల్లడిస్తోంది. అదేంటో తెలుసుకోండి.
పని మానేసి విశ్రాంతి
దేశ ప్రజలంతా నిరంతరం శ్రమించడంతో గతంలో చైనా ప్రపంచ ఫ్యాక్టరీగా మారింది. దాంతో ఆ దేశ జీడీపీలో ఏటా వృద్ధి కనిపిస్తూ ఉండేది. కానీ, ఇప్పుడు పరిస్థితులు మారిపోయాయి. పని చేయడానికి విముఖత వ్యక్తం చేసే వారి సంఖ్య అక్కడ పెరిగిపోతోంది. ఎక్కువగా విశ్రాంతి తీసుకోవడం, ప్రశాంతంగా జీవించడంపై దృష్టి సారిస్తున్నారు. అందుకు లీషు అనే యువకుడి జీవితమే ఉదాహరణ. సిచువాన్ ప్రావిన్స్కు చెందిన లీ షు వయసు 29 ఏళ్లు. 2018లోనే తాను చేస్తున్న ఉద్యోగానికి రాజీనామా చేశాడు. ఆ తరువాత నుంచి ఏ పని చూసుకోకుండా అద్దె ఇంట్లో ఉంటూ ఎక్కువ సమయం సుఖంగా గడపడానికి వెచ్చించాడు. దాంతో అతని వద్ద ఉన్న డబ్బులన్నీ మంచినీళ్లలా ఖర్చయ్యాయి. ఇలా అయితే తాను మళ్లీ భవిష్యత్తులో ఉద్యోగం చేయాల్సి వస్తుందని భయపడి ఖర్చు తగ్గించుకోవడం మొదలుపెట్టాడు. అలా రోజుకు 10 యువాన్లు అంటే 1.5 డాలర్లతోనే నెట్టుకురావడం అలవాటు చేసుకున్నాడు.
పార్కింగ్ యార్డుకు మకాం
తాను దాచుకున్న నగదు మొత్తం తరిగిపోవడంతో లీషుకు అద్దె చెల్లించడం భారంగా మారింది. అందుకే ఆ ఇంటిని ఖాళీ చేశాడు. ఇంట్లో ఉన్న సామగ్రి మొత్తాన్ని 400 యువాన్లకు వేరొకరికి విక్రయించాడు. ఆ నగదు తీసుకొని సమీపంలోని పార్కింగ్ యార్డుకు మకాం మార్చాడు. అప్పటికే ఆ ప్రాంతం నిర్మాణ వ్యర్థాలతో నిండిపోయింది. అందులో ఒక చోట చదును చేసుకొని ఓ చిన్నపాటి గుడారం వేసుకున్నాడు. తన ప్రశాంతతకు ఎవరూ భంగం కలిగించని ప్రాంతం అదేనని భావించి గత 200 రోజులుగా అక్కడే నివాసం ఉంటున్నాడు. అలా జీవించడంలోనే ప్రశాంతత ఉందని, మళ్లీ తనకు ఉద్యోగం చేసే ఆలోచనే లేదని ఖరాఖండీగా చెబుతున్నాడు.
మార్పు చూసి విస్మయం
లీషు జీవన విధానం చూసి అతని స్నేహితులు, బంధువులు ఆశ్చర్యపోతున్నారు. సెకండ్ హ్యాండ్ టెంట్ మాత్రమే ఇప్పుడు అతని వద్ద ఉన్న విలువైన ఆస్తి. చౌకగా దొరికే నూడుల్స్, డంప్లింగ్స్ తింటూ కాలం గడుపుతున్నాడు. రుచిగా తినాలనిపిస్తే ఎప్పుడైనా ఒకసారి తన వద్దనున్న స్టవ్ వెలిగించి బీఫ్, బంగాళ దుంప పాన్ కేక్ వండుకుంటాడు. కొంత దూరం నడిచి వెళ్లి తాగు నీరు తెచ్చుకుంటాడు. అక్కడే ఫోన్ ఛార్జింగ్ పెట్టుకొని వస్తాడు. ఈ వయసులో నీకు ఇదేం ఖర్మ అని ఎవరైనా ప్రశ్నిస్తే తాను ఎంచుకున్న జీవితంతో చాలా సంతోషంగా ఉన్నానని జవాబిస్తున్నాడు. ‘ఇది నా ఎంపిక. జీవితంలో నెరవేరని లక్ష్యాల వెనుక పరిగెత్తడం ఆపినప్పుడే ప్రశాంతత లభిస్తుంది. మారిన పరిస్థితులకు అలవాటు పడుతాం. అప్పుడు కావల్సినంత విశ్రాంతి దొరుకుతుందని’ లీషు తనకు బోధపడిన తత్వం చెబుతున్నాడు.
సాధారణ జీవితంతో సంతృప్తి
‘లేయింగ్ డౌన్’ కల్చర్ పాటిస్తున్న లీషు గురించి తెలిసి పలువురు మీడియా ప్రతినిధులు అతడి వద్దకు వెళ్లారు. ఇప్పుడు కూడా ఏదైనా ఉద్యోగం తెచ్చుకునే శక్తి సామర్థ్యాలు తనకున్నాయని, కానీ అలాంటి ప్రయత్నాలు చేసే ఉద్దేశమే లేదని లీ వారితో చెప్పాడు. మంచి ప్రాంతంలో బస ఏర్పాటు చేయిస్తామని అతని స్నేహితులు చెప్పినా వెళ్లేందుకు నిరాకరించాడు. ఏదైనా వ్యాపారం చేయడానికి నగదు సాయం చేస్తామన్నా ఇష్టపడలేదు. తనకు అవేవీ అక్కర్లేదని, చాలా సాధారణ, పొదుపైన ఈ జీవన విధానంతో సంతృప్తి చెందుతున్నానని స్పష్టం చేశాడు.
తాను నివాసం ఉంటున్న గుడారం వద్ద లీ ఒక నోట్ పెట్టాడు. తనకు ఉన్న ఒక్కగానొక్క ఆస్తి ఇదేనని, దాన్ని గౌరవించాలని ఆ స్థల యజమానులను అందులో కోరాడు. ఇక్కడ కొనసాగడం వల్ల అసౌకర్యం కలిగించినట్లయితే క్షమించాలని, సమయం ఇస్తే వేరొక చోటుకు వెళ్లడానికి తాను సిద్ధంగా ఉన్నట్లు పేర్కొన్నాడు. మొత్తానికి లీ కథ అక్కడ పెరుగుతున్న ‘లేయింగ్ డౌన్’ సంస్కృతికి అద్దం పడుతోంది.
- ఇంటర్నెట్ డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దౌత్య పాస్పోర్టుతో విదేశాలకు ప్రజ్వల్ రేవణ్ణ.. అసలేంటీ పాస్పోర్టు..? ఎవరికి ఇస్తారు..?
లైంగిక వేధింపుల ఆరోపణలు ఎదుర్కొంటున్న ప్రజ్వల్ రేవణ్ణ విదేశాలకు పారిపోయిన విషయం తెలిసిందే. -
గాడిద పాలతో నెలకు రూ.3 లక్షలు.. గుజరాత్ కుర్రాడి సక్సెస్ స్టోరీ!
Donkey Farm: ఉపాధిలేక గాడిదల ఫామ్ ప్రారంభించిన గుజరాత్ కుర్రాడు ధీరేణ్ సోలంకీ నెలకు రూ.2-3 లక్షల వరకు సంపాదిస్తున్నాడట. మరి ఆయన స్టోరీ ఏంటో చూద్దాం..! -
ఎడారి దేశంలో ఎందుకీ వరదలు.. క్లౌడ్ సీడింగ్ కారణమా?
అతి తక్కువ వర్షపాతం నమోదయ్యే ఎడారి దేశమైన యూఏఈలో కుండపోత వర్షాలకు ‘క్లౌడ్ సీడింగ్’ (Cloud seeding) కారణమనే అభిప్రాయాలున్నాయి. -
సింగం vs సింగై.. మధ్యలో గణపతి
త్వరలో జరగనున్న లోక్సభ ఎన్నికల్లో కోయంబత్తూర్ నుంచి భాజపా అభ్యర్థిగా అన్నామలై పోటీలో నిలిచారు. ఆయనకు పోటీగా డీఎంకే నుంచి మాజీ మేయర్ గణపతి రాజ్కుమార్, అన్నాడీఎంకే నుంచి సింగై రామచంద్రన్ బరిలో ఉన్నారు. -
కచ్చతీవు.. కథేంటి? అసలు ఎక్కడుంది ఈ దీవి?
భారత్కు చెందిన కచ్చతీవు దీవిని కాంగ్రెస్ సర్కార్ 1974లో శ్రీలంకకు అప్పగించింది. తమిళనాడు భాజపా నేత అన్నామలై ఆర్టీఐ ద్వారా సమాచారం సేకరించడంతో ఇది మళ్లీ వార్తల్లోకి వచ్చింది. -
ఆజానుబాహుడు.. ఆ బానిస 200 మంది పిల్లలకు తండ్రి..!
బ్రెజిల్కు చెందిన నల్లజాతి బానిస.. దాదాపు 200 మందికి పైగా చిన్నారులకు తండ్రయ్యాడు. -
Rainwater Harvesting: తక్కువ ఖర్చు.. ఇంట్లోనే వర్షపు నీటిని ఎలా ఆదా చేయొచ్చంటే?
అడుగంటిపోతున్న భూగర్భ జలాలకు పునర్జీవం ఇచ్చేందుకు తక్కువ ఖర్చుతో వాన నీటిని ఒడిసి పట్టే ప్రక్రియను ముంబయికి చెందిన వ్యక్తి రూపొందించాడు. -
Happiest Country: ఏడోసారి ‘హ్యాపీ’గా.. ఫిన్లాండ్ అద్భుత విజయానికి కారణాలివే!
ఇటీవల యూఎన్ ఆధారిత సంస్థ ప్రకటించిన ఆనందకర దేశాల జాబితాలో వరుసగా ఏడోసారి ఫిన్లాండ్ అగ్ర స్థానంలో నిలిచింది. ఈ అద్భుత విజయం వెనక కారణాలివే.. -
Underwater Metro: మరో అద్భుతం! నది కింద మెట్రో సర్వీసులు.. విశేషాలివే..
రైల్వే రవాణా చరిత్రలో మరో అద్భుత ఘట్టం ఆవిష్కృతం కానుంది. కోల్కతాలో నది కింద మెట్రో రైలు సర్వీసుల్ని ప్రధాని నరేంద్ర మోదీ బుధవారం ప్రారంభించబోతున్నారు. -
Wolfs: అక్కడ తోడేళ్లు అరవడం లేదట.. ఎందుకంటే?
తోడేళ్లు రాత్రి సమయాల్లో ఊళలు వేస్తుంటాయి. అయితే.. ఇటీవల మహారాష్ట్రలో తోడేళ్ల సముదాయాలు రాత్రిళ్లు ఇలా చేయడం లేదని ఒక సర్వేలో వెల్లడైంది. అసలు కారణం ఇదే.. -
పితృదేవతలకు అమావాస్యకూ ఉన్న సంబంధం ఏంటో తెలుసా?
ప్రతి మాసంలోనూ వచ్చే అమావాస్య, మహాలయ అమావాస్య పితృదేవతలకు ఎంతో ఇష్టమనీ, ఆ రోజు శ్రాద్ధ కర్మాదుల్ని చేస్తే మంచి ఫలితం ఉంటుందనీ పెద్దలంతా అంటుంటారు. అసలు పితృదేవతలకూ, అమావాస్యకూ ఉన్న సంబంధం ఏంటంటే.. -
సరస్వతీ దేవి రూపం ఎందుకంత విశిష్టమైనది?
Vasantha panchami: ఒకసారి సరస్వతి మూర్తిని గమనించండి - ఆమె ఒక చేతిలో వీణ (సంగీత వాయిద్యం), మరొక చేతిలో పుస్తకం ఉంటాయి. పుస్తకం, మన ఎడమ మెదడు చేసే కార్యకలాపాలను సూచిస్తుంది. ప్రాచీన వాయిద్యాల్లో ఒకటైన వీణ, సంగీతాన్ని, కళలను, సృజనాత్మకను.. మన కుడి మెదడు చేసే పనులను సూచిస్తుంది. -
Hindu Temple: అబుదాబిలో అతి పెద్ద ‘హిందూ ఆలయం’ రేపే ప్రారంభం.. ఈ విశేషాలు తెలుసా?
అరబ్ ఎమిరేట్స్ (యూఏఈ)లో అతిపెద్ద హిందూ ఆలయం ప్రారంభోత్సవానికి సిద్ధమైంది. ఫిబ్రవరి 14న ఈ ఆలయాన్ని ప్రారంభించేందుకు ప్రధాని నరేంద్ర మోదీ అక్కడికి చేరుకున్నారు. -
PV Narasimha Rao: అదీ పీవీ అంటే.. ఆర్థికం తెలియకున్నా.. వెనక్కి తగ్గలే!
ప్రధానిగా పీవీ నరసింహారావు చేసిన కృషి నిరుపమానమైంది.. దేశం దాదాపు దివాళా తీసే పరిస్థితులు ఉన్న కాలంలో ఆయన తీసుకున్న సాహసోపేతమైన నిర్ణయాలే ఈరోజు దేశాన్ని ఆర్థికంగా నిలదొక్కుకొనేలా చేశాయి. అలాంటి గొప్ప రాజనీతిజ్ఞుడైన పీవీకి కేంద్ర భారతరత్న పురస్కారం ప్రకటించిన సందర్భంగా ప్రత్యేక కథనం.. -
PV Narasimha Rao: పీఠాధిపతి కాబోయి.. ప్రధాని పీఠం అధిరోహించి..!
మాజీ ప్రధాని పీవీ నరసింహారావుకు కేంద్ర ప్రభుత్వం భారతరత్న పురస్కారం ప్రకటించిన నేపథ్యంలో ఆయన జీవితంలో కొన్ని అరుదైన ఘటనల గురించి తెలుసుకుందాం. -
PV Narasimha Rao: తెలుగువారి కోహినూరు.. పీవీ నరసింహారావు
బహుముఖ ప్రజ్ఞశాలి, మాజీ ప్రధాని, మన తెలుగు బిడ్డ పీవీ నరసింహారావుకు కేంద్రం భారతరత్న పురస్కారం ప్రకటించిన విషయం తెలిసిందే. బహు భాషాకోవిదుడైన ఆయన ముఖ్యమంత్రి, కేంద్రమంత్రి, ప్రధాని హోదాల్లో పనిచేసి దేశాన్ని అభివృద్ధి పథంలో నడిపేందుకు అవిశ్రాంతంగా కృషిచేశారు. తెలుగుజాతి గర్వించే పీవీ.. దేశ అత్యున్నత పౌర పురస్కారానికి ఎంపికైన సందర్భంగా ఈ ప్రత్యేక కథనం.. -
PV Narasimha Rao: భావిగతి మార్చిన సంస్కర్తకి భారతరత్న.. అప్పుల భారతాన్ని అభివృద్ధి వైపు నడిపిన పీవీ
PV Narasimha Rao: భారత ఆర్థిక మూలాల బలోపేతానికి మాజీ ప్రధాని పీవీ నరసింహారావు తీసుకున్న నిర్ణయాలు, కృషి అనిర్వచనీయమైనది. కేంద్ర ప్రభుత్వం ఆయనకు భారతరత్న ప్రకటించిన వేళ ఆ ఆసక్తికర విషయాలు.. -
Cervical cancer: ఏంటీ సర్వైకల్ క్యాన్సర్? ఎలా గుర్తించాలి?
సర్వైకల్ క్యాన్సర్.. ఏంటీ వ్యాధి..? ఎలా గుర్తించాలి? -
Explained: ట్యాబ్లెట్ల ప్యాకింగ్కు అల్యూమినియమే ఎందుకు?
ట్యాబ్లెట్ల ప్యాకింగ్కు అల్యూమినియంనే ఎందుకు వాడతారో తెలుసా? కారణమేంటి? -
Nitish Kumar: మళ్లీ జంప్..! ఎందుకంటే..?
బిహార్ సీఎం, జేడీయూ అధినేత నీతీశ్కుమార్ తిరిగి ఎన్డీయే గూటికి చేరే అవకాశాలున్నాయి. విపక్ష ‘ఇండియా’ కూటమిలో కీలక నేతగా ఉన్న ఆయన భాజపాతో చేతులు కలపడంపై పలు విశ్లేషణలు వెలువడుతున్నాయి. -
Karpoori Thakur: ‘కర్పూరీ’ లెక్కలు.. పాస్ చేస్తాయా?
సోషలిస్టు నేత, బిహార్ మాజీ సీఎం కర్పూరీ ఠాకూర్.. 1970, 80ల్లో ఎంబీసీ నేతగా వేసిన ముద్ర బిహార్ రాజకీయాలను మార్చివేసింది.
తాజా వార్తలు (Latest News)
-
సీఎం జగన్ వస్తున్నారని కరెంటు ఆపారు.. ప్రాణం తీశారు!
-
భార్య ఉండగా సహజీవనం చేసేందుకు ఇస్లాం అనుమతించదు
-
విశాఖలో సీఎస్ జవహర్రెడ్డి రహస్య పర్యటన?
-
భారత లోక్సభ ఎన్నికల్లో అమెరికా జోక్యం.. రష్యా సంచలన ఆరోపణలు
-
కదులుతున్న మెట్రోలో బాలుడిపై లైంగిక వేధింపులు
-
చీరలో అదాశర్మ హొయలు.. ఈవెంట్లో మౌనీరాయ్ పోజులు