ఈ నెల‌తో.. 30 ఇయ‌ర్స్ ఇండ‌స్ట్రీ :  బాలాదిత్య‌ 

ఇంట‌ర్నెట్ డెస్క్‌: ఒక‌రు బుల్లితెర‌పై.. మ‌రొక‌రు వెండితెర‌పై త‌మదైన న‌ట‌న‌తో ఆక‌ట్టుకుంటున్నారు సోద‌రులు బాలాదిత్య‌, కౌశిక్‌. ఈ ఇద్ద‌రూ క‌లిసి ఆలీ వ్యాఖ్యాత‌గా ఈటీవీ ప్ర‌సార‌మ‌వుతోన్న ‘ఆలీతో స‌ర‌దాగా’ కార్య‌క్ర‌మానికి విచ్చేశారు. ఈ షోకి సంబంధించిన ప్రోమో తాజాగా విడుద‌లైంది. ఇందులో త‌మ కెరీర్ ఎప్పుడు ప్రారంభ‌మైంది? ఎన్ని సినిమాల్లో న‌టించారు? త‌దిత‌ర విష‌యాలు పంచుకున్నారు. ఆలీ ప్ర‌శ్న‌ల‌కు ఈ నటులు చెప్పిన స‌మాధానాలు న‌వ్వులు పూయిస్తున్నాయి. మొద‌ట‌గా ఇంట‌స్ట్రీకి ఎవ‌రు వ‌చ్చారు? అని ఆలీ ప్ర‌శ్నించ‌గా.. నేను అంటూ జ‌వాబిచ్చాడు కౌశిక్‌. నీది? అని బాలాదిత్య‌ని అడ‌గ్గా ‘30 ఇయ‌ర్స్ ఇండ‌స్ట్రీ ఈ నెల‌తో’ అంటూ సంద‌డి చేశారు బాలాదిత్య. బాల న‌టుడిగా 6  భాష‌ల్లో 41 చిత్రాల్లో  న‌టించాన‌ని చెప్పుకొచ్చారాయ‌న‌. ఓ సంద‌ర్భంలో దివంగ‌త న‌టుడు శోభ‌న్ బాబు.. మంచి న‌టుడ‌వుతాన‌ని ఓ కాగితంపై రాసి ఆటోగ్రాఫ్ ఇచ్చార‌ని తెలిపారు బాలాదిత్య‌. ఈ ప్ర‌తిభావంతుల ప్ర‌స్థానం గురించి పూర్తిగా తెలియాలంటే జూన్ 7 వ‌ర‌కు ఆగాల్సిందే. అప్ప‌టి వ‌ర‌కు ఈ ప్రోమో చూడండి...