Published : 13 Jan 2022 22:16 IST

Dasari Narayana Rao: ‘దర్శకరత్న’.. దాసరి పాత్రలో జాతీయస్థాయి నటుడు!

హైదరాబాద్‌: ప్రముఖ దర్శకుడు, నటుడు, నిర్మాత దివంగత దాసరి నారాయణరావు జీవిత కథ ఆధారంగా ‘దర్శకరత్న’ అనే చిత్రం తెరకెక్కనుంది. ధవళసత్యం దర్శకత్వం వహించనున్న ఈ సినిమాను ఇమేజ్‌ ఫిల్మ్స్‌ పతాకంపై తాడివాక రమేష్‌ నాయుడు నిర్మించనున్నారు. ప్రస్తుతం ప్రీ ప్రొడక్షన్‌ పనులు జరుగుతున్నాయి. ఈ సినిమా విశేషాల గురించి చెప్పేందుకు ఫిలిం ఛాంబర్‌లో చిత్ర బృందం ప్రెస్‌మీట్‌ నిర్వహించింది.

‘‘దాసరి నారాయణరావు గారితో నాకున్న అనుబంధమే ఈ చిత్రాన్ని తెరకెక్కించేందుకు పురిగొల్పింది. ఆయన జీవితానికి సంబంధించి.. నాకు తెలిసిన సంఘటనలతో పాటు ఆయనతో పరిచయమున్న చాలామందిని సంప్రదించి స్క్రిప్ట్‌ను సిద్ధం చేస్తున్నా. ఓ గొప్ప చిత్రంగా తెరకెక్కించబోతున్నాం’’ అని దర్శకుడు ధవళసత్యం అన్నారు. ‘‘కొవిడ్‌ మూడో వేవ్‌ రాకపోయి ఉంటే ఇప్పటికే ఈ సినిమా చిత్రీకరణ ప్రారంభమయ్యేది. పరిస్థితులు చక్కబడగానే షూటింగ్ మొదలుపెడతాం. జాతీయస్థాయి నటుడు దాసరి గారి పాత్రలో కనిపిస్తారు. ఆయన భార్య దాసరి పద్మ పాత్రలో ప్రముఖ నటి కనిపిస్తారు. పాన్ ఇండియా స్థాయిలో ఈ సినిమాను రూపొందించబోతున్నాం’’ అని నిర్మాత తాడివాక రమేష్‌ నాయుడు తెలిపారు. ఈ కార్యక్రమంలో నిర్మాతల మండలి కార్యదర్శులు ప్రసన్నకుమార్‌, మోహన్‌ వడ్లపట్ల, నటుడు కాశీ విశ్వనాథ్‌, తెలంగాణ ఫిల్మ్‌ ఛాంబర్‌ ఛైర్మన్‌ పి. రామకృష్ణగౌడ్‌ తదితరులు పాల్గొన్నారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్