Geetha Madhuri: వేడుకగా గీతామాధురి సీమంతం.. ఫొటోలు వైరల్‌

ఇంటర్నెట్‌డెస్క్‌: గాయని గీతామాధురి (Geetha Madhuri) తల్లి కాబోతున్న విషయం తెలిసిందే. ఆమెకు సీమంతం వేడుక నిర్వహించారు. కుటుంబసభ్యులు, అత్యంత సన్నిహితుల సమక్షంలో జరిగిన ఈ వేడుక ఫొటోలను తాజాగా ఆమె ఇన్‌స్టాలో షేర్‌ చేశారు. ప్రస్తుతం ఇవి నెట్టింట వైరల్‌గా మారాయి. వీటిని చూసిన పలువురు సినీ ప్రముఖులు, నెటిజన్లు గీతా మాధురి, నందు దంపతులకు శుభాకాంక్షలు చెబుతున్నారు.

Social Look: దివి ఆసనాలు.. మృణాల్‌ మెరుపులు..

గాయనిగా గీతా మాధురికి తెలుగులో మంచి పేరు ఉంది. ఎన్నో చిత్రాల్లో ఆమె సూపర్‌హిట్‌ పాటలు పాడారు. కెరీర్‌లో రాణిస్తోన్న తరుణంలోనే నటుడు నందుతో ఏడడుగులు వేశారు. 2014లో వీరి వివాహం జరిగింది. వీరికి ఒక కుమార్తె (దాక్షాయణి ప్రకృతి) ఉంది. త్వరలో ఆమె రెండో బిడ్డకు జన్మనివ్వనున్నారు. ‘‘ఫిబ్రవరి 2024లో మా దాక్షాయణి ప్రకృతి అక్క కానుంది’’ అంటూ గతేడాది డిసెంబర్‌లో పోస్ట్‌ పెట్టారు.