jawan: జవాన్‌లో సంజయ్‌దత్‌

బాలీవుడ్‌ కింగ్‌ ఖాన్‌ షారుక్‌, నయనతార జోడీగా తమిళ దర్శకుడు అట్లీ తెరకెక్కిస్తున్న చిత్రం ‘జవాన్‌’. ఉత్తరాది, దక్షిణాది తారల క్రేజీ కాంబినేషన్‌లో ముస్తాబవుతున్న ఈ సినిమాపై ఇప్పటికే అంచనాలు భారీగా పెరిగిపోయాయి. తాజాగా ఇందులో బాలీవుడ్‌ సీనియర్‌ నటుడు సంజయ్‌దత్‌ భాగం కానున్నారనే మరో ఆసక్తికర విషయం బయటికొచ్చింది. ‘సంజయ్‌దత్‌  పాత్ర నిడివి తక్కువే అయినా.. అత్యంత కీలకమైంది. ముందు ఈ పాత్రకి అల్లు అర్జున్‌ని అనుకున్నా.. ‘పుష్ప 2’లో తను బిజీగా ఉండటంతో కుదరలేదు. ఆ పాత్రని చేయడానికి ఇప్పుడు సంజూబాబా ఒప్పుకున్నారు’ అని సినీవర్గాలు పేర్కొన్నాయి. ఈ ఇద్దరూ గతంలో ‘రా వన్‌’, ‘ఓం శాంతి ఓం’లలో కలిసి నటించారు. ఈ యాక్షన్‌ ఎంటర్‌టైనర్‌ని షారుక్‌ భార్య గౌరి ఖాన్‌ నిర్మిస్తుండగా.. విజయ్‌ సేతుపతి ప్రతినాయకుడిగా కనిపించనున్నారు. జూన్‌ 2న ఈ చిత్రం విడుదలవుతోంది.