‘వేదం’ అలా పుట్టింది!
అల్లు అర్జున్, మంచు మనోజ్, అనుష్క కీలక పాత్రల్లో క్రిష్ దర్శకత్వంలో వచ్చిన బ్లాక్బస్టర్ చిత్రం ‘వేదం’. 2010 జూన్ 4న విడుదలైన ఈ చిత్రం బాక్సాఫీస్ వద్ద ఘన విజయాన్ని
అల్లు అర్జున్ ‘వేదం’ చేస్తానంటే నవ్వాను: క్రిష్
అనుష్కను ఒప్పించడానికి భయం వేసింది
ఇంటర్నెట్ డెస్క్: అల్లు అర్జున్, మంచు మనోజ్, అనుష్క కీలక పాత్రల్లో క్రిష్ దర్శకత్వంలో వచ్చిన బ్లాక్బస్టర్ చిత్రం ‘వేదం’. 2010 జూన్ 4న విడుదలైన ఈ చిత్రం బాక్సాఫీస్ వద్ద ఘన విజయాన్ని అందుకుని నేటితో(జూన్ 4, 2020) పదేళ్లు పూర్తి చేసుకుంది. కేబుల్ రాజుగా అల్లు అర్జున్, రాక్స్టార్ వివేక్ చక్రవర్తిగా మంచు మనోజ్, వేశ్యగా సరోజ పాత్రలో అనుష్క, వృద్ధుడు రాములుగా నాగయ్య, భారత్ విడిచి వెళ్లిపోవాలనుకునే ముస్లిం రహీముద్దీన్ ఖురేషీ పాత్రలో మనోజ్ బాజ్పాయ్ తమ నటనతో మెప్పించారు. ఇక కీరవాణి సంగీతం సినిమాను మరోస్థాయిలో నిలబెట్టింది.
‘వేదం’ అలా పుట్టింది!
‘గమ్యం’ తర్వాత క్రిష్ కమర్షియల్ హంగులతో ఒక భారీ సినిమా చేయాలని ప్లాన్ చేశారు. అయితే, అదే సమయంలో అమరావతి వెళ్లిన క్రిష్ అక్కడ చూసిన ఓ సంఘటన ఆయన ఆలోచనలను మార్చి, ‘వేదం’ వైపు అడుగులు వేసేలా చేసింది. ‘వేదం’కథ ఎలా పుట్టిందో ఓ సందర్భంలో ఇలా చెప్పుకొచ్చారు క్రిష్. ‘‘గమ్యం’ హిట్టయిన తర్వాత ఒక కమర్షియల్ హంగులతో సినిమా చేయాలని ఎన్నో అనుకున్నాం. అదే సమయంలో విజ్ఞాన్ యూనివర్సిటీలో వార్షికోత్సవానికి పిలిస్తే అక్కడకు వెళ్లా. అక్కడ విద్యార్థులు చేసిన ప్రదర్శన నాకు బాగా నచ్చింది. మాకన్నా గొప్ప ఆలోచనలతో పలు ప్రదర్శనలు చేశారు. ఆ ఈవెంట్ అయిపోయిన తర్వాత ఆ ఆలోచనలతోనే అక్కడి నుంచి బయలుదేరా’’
‘‘మా ఎడిటర్ శ్రవణ్, కెమెరామెన్ జ్ఞానశేఖర్, మేనేజర్ మురళిగారితో అమరావతి పక్కనే వైకుంఠపురం ఆలయానికి వెళ్లాం. అక్కడ వైష్ణవి అనే అమ్మాయి, ఆమె తమ్ముడు గుడికి వచ్చారు. తను నన్ను గుర్తుపట్టింది. ‘మీరు గమ్యం క్రిష్ కదా’ అని అంది. ‘అవును’ అని సమాధానం ఇచ్చా. అదే విషయాన్ని వాళ్ల తమ్ముడికి కూడా చెప్పింది. ‘గమ్యం’లో నీకు ఏం నచ్చింది’ అని అడిగా. ‘జానకిని వెతికేందుకు బయలుదేరిన అభిరామ్ ఆ ప్రయాణంలో తనని తాను తెలుసుకుంటున్నానని చెప్పిన డైలాగ్ బాగుంది’ అని చెప్పింది. ఆ తర్వాత అందరం కలిసి ఉండవల్లి గుహలను చూడటానికి వెళ్లాం’’
‘‘అక్కడ ఓ చిన్న పిల్లాడు వృద్ధుడి వేలు పట్టుకుని లాక్కెళ్తున్న దృశ్యం కనిపించింది. ఆ దృశ్యాన్ని మేం ఫొటో తీశాం. అక్కడి నుంచి రాగానే కథ చెప్పాను. ‘ఒక చిన్న పిల్లాడు. వెట్టిచాకిరీ చేస్తాడు. వాడిని విడిపించుకోవడానికి వాళ్లమ్మ కిడ్నీలు అమ్ముకుంటుంది’ ఇది అసలు ‘వేదం’ కథకు బీజం. ఆ తర్వాత మనోజ్ కథ పుట్టింది. మిగిలిన కథలు అప్పటికి అనుకోలేదు. నాకు ఏదైనా ఆలోచన వస్తే, సీతారామశాస్త్రిగారితో పంచుకుంటా. ఇది కూడా ఆయనతో పంచుకున్నా. అంతకుముందు చేద్దామనుకున్న కమర్షియల్ సినిమాను చేయనని నిర్మాతలకు చెప్పేశా. ఈ విషయం అల్లు అర్జున్కు తెలిసి నాకు ఫోన్ చేశాడు. ‘క్రిష్ నీకు సమయం ఉంటే మనిద్దరం కలిసి ఒక సినిమా చేద్దాం’ అన్నాడు. అప్పుడు బన్ని ‘ఆర్య 2’ షూటింగ్లో ఉన్నాడు. షూటింగ్కు ఒక రోజు విరామం కావడంతో ఇద్దరం భోజనం చేయడానికి వెళ్లాం. అప్పుడే నేను ‘వేదం’ అనే చిన్న సినిమా చేస్తున్నట్లు చెప్పా. ‘గమ్యం బాగా తీశావు. మంచి సినిమా చెయ్ కావాలంటే నేను డేట్స్ ఇస్తా’ అన్నాడు. అప్పుడే ‘వేదం’ అందులోని కేబుల్ రాజు క్యారెక్టర్ చెప్పా. తనకు బాగా నచ్చింది. సినిమాకు తనే ప్రొడ్యూస్ చేస్తానని చెప్పాడు. ఇక రాక్స్టార్ పాత్రకు రానా లేదా మంచు మనోజ్ అయితే బాగుంటుందని అనుకున్నా. అయితే, అప్పుడు రానా ‘లీడర్’ సినిమా చేస్తున్నాడు. దాంతో మనోజ్కు కథ చెబితే వెంటనే ఒప్పుకొన్నాడు. ఇక మాకు అసలు సవాల్ వేశ్య పాత్రకు అనుష్కను ఒప్పించడం. ‘తను ఒప్పుకొంటే సినిమా మరో స్థాయిలో ఉంటుంది’ అని బన్ని చెప్పాడు. తనని కలిసి ఎలా కథ చెప్పాలో అర్థంకాలేదు. ఒక రోజు ఆమె దగ్గరకు వెళ్లి భయపడుతూనే కథ చెప్పా. కథ విన్న వెంటనే ఆమెకు కన్నీళ్లు ఆగలేదు. వెంటనే ఒప్పుకొంది. అలా ‘వేదం’ పట్టాలెక్కింది’’ అని చెప్పుకొచ్చారు.
అనుష్క పోస్టర్ 40కు పైగా యాక్సిడెంట్లు
అల్లు అర్జున్, మంచు మనోజ్, అనుష్కలు నటిస్తుండటంతో చిన్న సినిమా కాస్తా పెద్దది అయిపోయింది. అంచనాలూ పెరిగిపోయాయి. జూన్ 4న విడుదలైన ఈ చిత్రం విమర్శకులను మెప్పించింది. ప్రతి ఒక్కరూ తమ తమ పాత్రల్లో ఒదిగిపోయారు. వృద్ధుడి వద్ద డబ్బులు కొట్టేసినప్పుడు, తిరిగి ఇచ్చినప్పుడు అల్లు అర్జున్ కనబరిచిన నటన థియేటర్లోని ప్రేక్షకుడితోనూ కన్నీళ్లు పెట్టిస్తుంది. ఇక వేశ్యగా అనుష్క నటన హైలైట్ అని చెప్పాలి. కథానాయికగా వరుస అవకాశాలు దక్కించుకుంటున్న సమయంలో ఆ పాత్రను ఎంచుకోవడం నిజంగా ధైర్యమనే చెప్పాలి. ఏమాత్రం తేడాగా నటించినా సినిమాపైనా, అనుష్క కెరీర్పైనా గట్టి ప్రభావం చూపించేది. కానీ, అనుష్క అలవోకగా చేసేశారు. ఇక ఈ సినిమా ప్రచారంలో భాగంగా అనుష్క వెనక్కి తిరిగి కొంటెగా చూస్తున్న ఫొటోను పెద్ద హోర్డింగ్ చేసి, పంజాగుట్ట సెంటర్లో పెట్టారు. ఆ సమయంలో 40కు పైగా యాక్సిడెంట్లు అయ్యాయి. ఒకానొక దశలో పోలీసులకు ఫిర్యాదు అందడంతో జీహెచ్ఎంసీ వాళ్లతో కలిసి పోలీసులు ఆ హోర్డింగ్ను తొలగించారు. అంతలా అనుష్క మెస్మరైజ్ చేసింది.
అవార్డుల వెల్లువ...
బాక్సాఫీస్ వద్ద విజయం సాధించడమే కాదు. ‘వేదం’ చిత్రానికి అవార్డులూ వరించాయి. 2010కి గానూ ఉత్తమ చిత్రంగా నంది అవార్డును సొంతం చేసుకోగా, వృద్ధుడి పాత్ర పోషించిన నాగయ్యకు స్పెషల్ జ్యూరీ పురస్కారం వచ్చింది. 58వ ఫిల్మ్ఫేర్ అవార్డుల్లో ఉత్తమ చిత్రం (శోభు యార్లగడ్డ, ప్రసాద్ దేవినేని), ఉత్తమ దర్శకుడు (క్రిష్), ఉత్తమ నటుడు (అల్లు అర్జున్), ఉత్తమ నటి (అనుష్క) అవార్డులు దక్కాయి. తమిళంలో ఈ చిత్రాన్ని ‘వానం’ పేరుతో తెరకెక్కించారు. శింబు, భరత్, ప్రకాష్రాజ్, అనుష్క కీలక పాత్రలు పోషించారు. అక్కడ కూడా ఈ సినిమా మంచి విజయాన్ని అందుకుంది.
‘‘వేదం’కు దశాబ్దం. అందమైన ప్రయాణం. ఈ సినిమాలో భాగస్వాములైన ప్రతి ఒక్కరికీ నా ధన్యవాదాలు. దర్శకుడు క్రిష్ విజన్, ప్యాషన్ అద్భుతం. మనోజ్, అనుష్క, మనోజ్ బాజ్పాయ్ జి, ఇతర నటీనటులకు, సాంకేతిక బృందానికి కృతజ్ఞతలు. కీరవాణిగారికి, ఆర్కా మీడియాకు ప్రత్యేక ధన్యవాదాలు’’ -అల్లు అర్జున్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రామానాయుడి ఔదార్యం!
సురేష్ ప్రొడక్షన్స్ బ్యానర్పై ఎన్నో విజయవంతమైన చిత్రాలు తీసి, మూవీ మొఘల్ అనిపించుకున్నారు దివంగత నిర్మాత డి.రామానాయుడు. -
క్రమశిక్షణలో ఎన్టీఆర్ కాఠిన్యం!
షూటింగ్ జరుగుతున్న రోజుల్లో, కె.ఆర్.విజయ సెట్టుకి ఆలస్యంగా రావడమే కాకుండా, సమాచారం లేకుండా రెండు రోజులు షూటింగ్కు రాలేదు. -
కెమెరాకు సైతం అందని ఎన్టీఆర్ పరుగు.. పులితో ఛేజింగ్ సీక్వెన్స్ ఇలా..
ఎన్టీఆర్ పరిచయ సన్నివేశంలో పులితో ఛేజింగ్ చేసే సీన్ ఎలా తీశారో ‘ఆర్ఆర్ఆర్’ కెమెరామెన్ సెంథిల్కుమార్ ఇటీవల పంచుకున్నారు. -
పాపం చిరంజీవి వస్తున్నారనుకొని...
అప్పట్లో సినిమా నటులంటే ప్రేక్షకులకు విపరీతమైన అభిమానం. ఒకరకంగా తమ అభిమాన కథానాయకుడిని దైవంతో సమానంగా చూసేవారు. ఎదుటివారు దూషించినా, కనీసం చెడుగా మాట్లాడినా పెద్ద పెద్ద గొడవలే జరిగేవి. -
అల్లు అర్జున్ సినిమాలో నటించే అవకాశం వచ్చింది.. కానీ: విశాల్
‘రత్నం’ సినిమా ప్రమోషన్స్లో భాగంగా నటుడు విశాల్ పలు ఆసక్తికర విశేషాలు పంచుకున్నారు. -
ఆయన మీద పీకలదాకా కోపం వచ్చింది!
వైవిధ్యమైన పాత్రల్లో... విలక్షణమైన నటనతో సినీ ప్రేక్షకుల గుండెల్లో చెరగని ముద్ర వేసుకున్న ఎస్వీ రంగారావు (S V Ranga Rao) తొలిసారి కెమెరా ముందు ఎలాంటి అనుభవం పొందారనేది ఎంతో ఆసక్తికరం. తన తొలినాటి సినీ అనుభవం గురించి ఎస్వీఆర్ ఓ సందర్భంలో వ్యాసం రాశారు. -
ఆ హిట్ మూవీలో సమంతను వద్దనుకున్న సుకుమార్.. కానీ ఏం జరిగిందంటే!
‘రంగస్థలం’లో మొదట సమంతను వద్దనుకున్నట్లు సుకుమార్ తెలిపారు. ఆ తర్వాత ఆమె నటనకు ఆశ్చర్యపోయినట్లు చెప్పారు. -
నాగబాబుపై ‘చిరు’ కోపం!
అగ్ర కథానాయకుడు చిరంజీవి (Chiranjeevi) సోదరుడిగా నాగబాబు పలు చిత్రాల్లో నటించి మెప్పించారు. అన్నదమ్ములిద్దరూ కలిసి నటించిన సందర్భాలూ ఉన్నాయి. -
Venky: 20 ఏళ్ల ‘వెంకీ’.. ఈ హిట్ మూవీ మిస్సైన హీరోయిన్ ఎవరంటే?
రవితేజ హీరోగా దర్శకుడు శ్రీను వైట్ల తెరకెక్కించిన ‘వెంకీ’ చిత్రం 20 ఏళ్లు పూర్తి చేసుకుంది. ఈసందర్భంగా ఆ సినిమా గురించి పలు ఆసక్తికర విశేషాలు.. -
Brindha Sivakumar: మణిరత్నం ‘హీరోయిన్ ఛాన్స్’ వదులుకున్న బృందా.. సూర్య సోదరి గురించి మీకు తెలుసా?
ప్రముఖ హీరోలు సూర్య, కార్తి సోదరి గురించి ఆసక్తికర విశేషాలివీ.. -
gautham Menon:ఆ కీలక పాత్రలకు వారిని అనుకున్నా: గౌతమ్మేనన్
సూర్య ప్రధాన పాత్రలో నటించిన ‘సూర్య సన్నాఫ్ కృష్ణన్’ చిత్రం గురించి ఆసక్తికర వ్యాఖ్యలు చేశారు. -
Prithviraj Sukumaran: రెండు ఆఫర్లు ఇచ్చిన చిరంజీవి.. తిరస్కరించిన పృథ్వీరాజ్ సుకుమారన్.. కారణమదే
చిరంజీవి ఇచ్చిన రెండు ఆఫర్లను ఓ సినిమా కారణంగా తిరస్కరించాల్సి వచ్చిందని మలయాళ నటుడు పృథ్వీరాజ్ సుకుమారన్ తెలిపారు. -
RRR Movie: ‘ఆర్ఆర్ఆర్’ ప్రీక్లైమాక్స్లో చేసిన మార్పు ఇదే.. జెన్నీ పాత్ర చనిపోతుందట!
ఎన్టీఆర్, రామ్చరణ్లు నటించిన ‘ఆర్ఆర్ఆర్’ గురించి ఆ చిత్ర దర్శకుడు రాజమౌళి ఆసక్తికర విషయాన్ని పంచుకున్నారు. -
Mohan Babu: మోహన్బాబు అలా ‘అల్లుడుగారు’ అయ్యారు.. అదరగొట్టారు
నేడు మోహన్బాబు పుట్టినరోజు. ఈ సందర్భంగా ‘అల్లుడుగారు’ సినిమా సంగతులు చూద్దాం.. -
Deepika Padukone: అలా మిస్సై.. ‘కల్కి 2898ఏడీ’తో సిద్ధమై: దీపికా టాలీవుడ్ ఎంట్రీ సంగతులివీ..
ప్రముఖ నటి దీపికా పదుకొణె టాలీవుడ్ ఎంట్రీ గురించి ఆసక్తికర విశేషాలివీ.. -
Daddy Movie: చిరంజీవి ‘డాడీ’ మూవీ వెంకటేశ్ చేస్తే సూపర్ హిట్ అయ్యేదట!
Daddy movie: ‘డాడీ’ మూవీ యావరేజ్గా ఆడటంపై చిరంజీవి ఓ సందర్భంలో ఆసక్తికర విషయాన్ని వెల్లడించారు. -
Prema: షూటింగ్లో నిజంగానే పాము కాటేసింది.. ఆ హిట్ సినిమాకు 25 ఏళ్లు..
నటి ప్రేమ (Prema) ప్రధానపాత్రలో నటించిన ‘దేవి’ (Devi) చిత్రం విడుదలై నేటికి 25ఏళ్లు పూర్తయింది. -
Sekhar Kammula: ఆ ఫీల్గుడ్ స్టోరీ.. పవన్ను దృష్టిలో పెట్టుకుని రాసిందే కానీ..!
ఓ హిట్ సినిమా స్టోరీని ప్రముఖ హీరో పవన్ కల్యాణ్ను దృష్టిలో పెట్టుకుని రాసుకున్నారు ఆ దర్శకుడు. ఆ ఆసక్తికర సంగతులివీ.. -
చిరు-నాగ్-వెంకటేశ్లతో మల్టీస్టారర్ తీయాలనుకున్నారు
ఒక టికెట్టుపై డబుల్ ధమాకా వినోదాల్ని పంచిచ్చేవి మల్టీస్టారర్ చిత్రాలు. అందుకే ఏ చిత్రసీమలోనైనా ఓ మల్టీస్టారర్ చిత్రం మొదలవుతుందంటే.. ప్రేక్షకుల చూపంతా అటువైపే మళ్లుతుంటుంది. -
Sharwanand: అందుకే శర్వానంద్ ఆ హిట్ మూవీకి ‘నో’ చెప్పారు.. సెకండ్ ఛాన్స్లోనూ!
హీరో శర్వానంద్ పుట్టిన రోజు నేడు. ఈ సందర్భంగా ఆయన గురించి ఆసక్తికర విషయం మీకోసం.. -
Mahesh Babu: మహేశ్ బాబును అనుకున్నారు.. తరుణ్తో తెరకెక్కించారు!
తరుణ్ నటించిన ఓ హిట్ చిత్రంలో.. ముందుగా మహేశ్ బాబును హీరోగా అనుకున్నారు నిర్మాత. కానీ, డైరెక్టర్ వద్దనుకున్నారు. అదే సినిమా అంటే?
తాజా వార్తలు (Latest News)
-
అధికారిక ప్రకటనే లేదు.. ‘రామాయణ’ షూట్ ఫొటోలు వైరల్
-
హెలికాప్టర్లో తూలి పడిపోయిన మమతా బెనర్జీ
-
ట్విటర్ (ఎక్స్)లో అడుగుపెట్టిన కేసీఆర్
-
జైల్లో కేజ్రీవాల్ ఆరోగ్యంగానే..: ఎయిమ్స్ మెడికల్ బోర్డు..!
-
దాదాపు 900 రన్స్ చేశా.. చోటు దక్కకపోతే చాలా బాధపడతా: గిల్
-
ఆలిన్ హెర్బల్ పరిశ్రమలో మళ్లీ వ్యాపించిన మంటలు