Bhimaa: మంచి యాక్షన్‌ హంగామా చూస్తారు: గోపీచంద్‌

హైదరాబాద్‌: గోపీచంద్‌ (Gopichand) కథానాయకుడిగా ఎ.హర్హ తెరకెక్కిస్తున్న చిత్రం ‘భీమా’ (Bhimaa). ప్రియా భవానీ శంకర్‌, మాళవిక శర్మ కథానాయికలు. శ్రీ సత్యసాయి ఆర్ట్స్‌ పతాకంపై కె.కె రాధాకృష్ణ నిర్మిస్తున్నారు. యాక్షన్‌ ఎంటర్‌టైనర్‌గా రూపొందుతున్న చిత్రమిది. ఇందులో గోపీచంద్‌ పోలీసు పాత్రలో నటిస్తున్నారు. ఈ సినిమా మార్చి 8న విడుదల కానుంది. వరంగల్‌లో ఏర్పాటు చేసిన ప్రీరిలీజ్‌ ఈవెంట్‌లో గోపీచంద్‌ మాట్లాడారు.

‘‘కొన్నేళ్లుగా నన్ను మీ గుండెల్లో పెట్టి చూసుకుంటున్నారు. ‘వర్షం’ నుంచి భీమా వరకూ అదే ప్రేమను అందిస్తున్న ప్రేక్షకులకు, అభిమానులకు ధన్యవాదాలు. ఈ సినిమా కోసం చాలా కష్టపడ్డాం. ఫైట్స్‌, మ్యూజిక్‌, డైలాగ్స్‌ చాలా బాగున్నాయి.  షూటింగ్‌ మొదలు పెట్టినప్పటి నుంచి చివరి వరకూ చాలా ఎంజాయ్‌ చేస్తూ వర్క్‌ చేశాం. భీమా మీ అందరికీ కచ్చితంగా నచ్చుతుంది. స్వతహాగా సినిమాలపై స్టేట్‌మెంట్‌లు ఇవ్వను. ఈ చిత్రం అందరి అంచనాలు నిజం చేస్తూ మంచి విజయం సాధిస్తుంది. మార్చి 8న మీరందరూ మంచి యాక్షన్‌ హంగామ చూస్తారు. అందులో సందేహం లేదు ’’అని గోపీచంద్‌ పేర్కొన్నారు.