LGM: ధోనీ సతీమణి నిర్మించిన ‘ఎల్‌జీఎం’ ఓటీటీలోకి.. స్ట్రీమింగ్‌ ఎక్కడంటే?

హైదరాబాద్‌: క్రికెట‌ర్ ధోని భార్య సాక్షి నిర్మించిన తొలి చిత్రం ‘ఎల్‌జీఎం’. హరీశ్‌ కల్యాణ్‌, ఇవానా ప్రధానపాత్రల్లో నటించిన ఈ సరికొత్త తరం లవ్‌ డ్రామా ఆగస్టులో ప్రేక్షకుల ముందుకు వచ్చింది. ఈ చిత్రానికి థియేటర్లలో మిశ్రమ స్పందన లభించింది. తాజాగా ఈ చిత్రం ఓటీటీలోకి వచ్చేసింది. ‘అమెజాన్‌ ప్రైమ్‌ వీడియో’ (Amazon Prime Video) వేదికగా ప్రస్తుతం స్ట్రీమింగ్‌ అవుతోంది. ఇక ఈ సినిమాకు రమేష్ తమిళ్ మణి దర్శకత్వం వహించగా నటి నదియా కీలకపాత్రలో కనిపించారు. 

 అలాంటి సీన్స్‌లో నటించడం మానేశా: దక్షిణాది చిత్రాలపై తమన్నా వ్యాఖ్యలు

క‌థేంటంటే: గౌతమ్ (హరీష్ కళ్యాణ్), మీరా (ఇవానా) ఒకేచోట ప‌నిచేస్తూ రెండేళ్ల‌పాటు డేటింగ్ చేస్తారు. ఆ త‌ర్వాత గౌత‌మ్ పెళ్లి ప్ర‌తిపాద‌న తీసుకురావ‌డంతో మీరా ఓకే చెబుతుంది. తీరా ఇరు కుటుంబాలు క‌లిసి మాట్లాడుకునే స‌మ‌యంలో మీరా ఓ ష‌ర‌తు విధిస్తుంది. పెళ్లయిన తర్వాత అత్తతో సమస్యలు తలెత్తకుండా ఉండటానికి ముందే ఆమెతో క‌లిసి కొన్ని రోజులు గడపాలని కోరుకుంటుంది. అందుకోసం ఓ టూర్ ప్లాన్ చేస్తుంది. ఈ వింత ప్రతిపాదనకు గౌత‌మ్ అంగీకరించి ఆఫీస్ ట్రిప్ అని అబ‌ద్ధం చెప్పి త‌న త‌ల్లిని ఒప్పిస్తాడు. అలా అంద‌రూ క‌లిసి కూర్గ్‌కి బ‌య‌ల్దేరతారు. వెళ్లాక ఏం జ‌రిగింది? గౌత‌మ్ త‌ల్లితో మీరా క‌లిసిపోయిందా? (LGM Movie OTT) లేదా?గౌత‌మ్‌తో మీరా పెళ్లికి ఒప్పుకొందా? త‌దిత‌ర విష‌యాల్ని అమెజాన్‌ ప్రైమ్‌ వీడియోలో చూడాల్సిందే.