MAA elections: ‘మా’ ఎన్నికలు.. మంచు విష్ణు కీలక నిర్ణయం?

హైదరాబాద్‌: సాధారణ ఎన్నికల కంటే రసవత్తరంగా సాగాయి గత ‘మా’ (మూవీ ఆర్టిస్ట్స్‌ అసోసియేషన్‌) ఎన్నికలు. ప్రకాశ్‌రాజ్‌, మంచు విష్ణు ప్యానల్స్‌ పోటీపడగా, విష్ణు (manchu vishnu) విజయం సాధించి, ‘మా’ అధ్యక్షుడిగా ఎన్నికయ్యారు. తాజాగా జరిగిన ‘మా’ సర్వ సభ్య సమావేశంలో మంచు విష్ణు కీలక నిర్ణయం తీసుకున్నారట. వచ్చే ఎన్నికల్లో పోటీకి దూరంగా ఉండాలని నిర్ణయించుకున్నారట. తన నిర్ణయాన్ని సర్వసభ్య సమావేశంలో సభ్యులకు వివరించినట్లు తెలుస్తోంది. రెండేళ్ల కాలానికి జరిగే ‘మా’ ఎన్నికలు ఈసారి సెప్టెంబరులో జరగాల్సి ఉండగా, వాటిని వచ్చే ఏడాది మేలో నిర్వహించాలని తీర్మానించినట్లు పలువురు సభ్యుల ద్వారా తెలిసింది. అసోసియేషన్ ఆడిట్ సమస్యల కారణంగానే ఎన్నికలను మేలో జరపాలని నిర్ణయించారని సమాచారం. ఎన్నికల గడువు సమీపించేలోగా సభ్యులకు ఇచ్చిన హామీలను పూర్తి చేయాలనే ఆలోచనలో మంచు విష్ణు ఉన్నారని తెలుస్తోంది.