Mayapetika: ఓటీటీలోకి పాయల్‌ రాజ్‌పుత్‌ ‘మాయాపేటిక’.. స్ట్రీమింగ్‌ ఎప్పుడంటే?

ఇంటర్నెట్‌ డెస్క్‌: పాయల్‌ రాజ్‌పుత్‌ (Payal Rajput), సిమ్రత్‌ కౌర్‌ (Simrat Kaur), సునీల్‌ (Sunil), శ్రీనివాసరెడ్డి, విరాజ్‌ ప్రధాన పాత్రల్లో నటించిన చిత్రం ‘మాయా పేటిక (Maya Petika). రమేశ్‌ రాపార్తి దర్శకుడు. ఈ సినిమా ఓటీటీ విడుదల తేదీ మంగళవారం ఖరారైంది. ‘ఆహా’ (Aha)లో ఈ నెల 15 నుంచి స్ట్రీమింగ్‌కు అందుబాటులో ఉండనుంది. ఈ విషయాన్ని తెలియజేస్తూ ఓటీటీ సంస్థ సోషల్‌ మీడియా వేదికగా పోస్టర్‌ని పంచుకుంది. మానవ జీవితంలో భాగమైన సెల్‌ఫోన్‌ ఇతివృత్తంగా సాగే కథతో రూపొందిన సినిమా ఇది. ఈ ఏడాది జూన్‌ 30న థియేటర్లలో విడుదలైంది. 

థియేటర్‌లో విడుదలైనా, ఇప్పటికీ ఓటీటీలో స్ట్రీమింగ్‌ కాని సినిమాలివే!

ఇదీ కథ: సినిమా హీరోయిన్‌ పాయల్‌ రాజ్‌పుత్‌కు నిర్మాత సెల్‌ఫోన్‌ను కానుకగా ఇస్తాడు. ఆ ఫోన్ వల్ల తనకు కాబోయే భర్తతో రాజ్‌పుత్‌కు గొడవలు తలెత్తుతాయి. ఆ సమస్యకు పరిష్కారంగా ఫోన్‌ను అసిస్టెంట్‌కు ఇస్తుంది రాజ్‌పుత్‌. ఆ అసిస్టెంట్‌ కొన్నాళ్లు వినియోగించిన ఫోన్‌ చేతులు మారుతూ పాకిస్థాన్ చేరుకుంటుంది. అసలు ఆ ఫోన్ వల్ల.. కార్పొరేటర్ కన్నె కామేశ్వరరావు (పృథ్వీరాజ్) జీవితంలో చోటుచేసుకున్న సంఘటనలేంటి? అలీ (విరాజ్ అశ్విన్), ఆస్రా (సిమ్రత్ కౌర్)ల ప్రేమ ఎలా మొదలైంది? బతుకుదెరువు కోసం వేషాలు వేసే శ్రీను (శ్రీనివాసరెడ్డి) జీవితంలో వచ్చిన మార్పేంటి? తదితర ఆసక్తికర అంశాలతో ఈ సినిమా తెరకెక్కింది.