The Warriorr: వీలైతే మారిపోండి.. లేకపోతే పారిపోండి..: ది వారియర్‌ టీజర్‌ చూశారా?

హైదరాబాద్‌: ‘మై డియర్‌ గ్యాంగ్‌స్టర్స్‌ వీలైతే మారిపోండి.. లేకపోతే పారిపోండి.. ఇదే మీకు నేను ఇస్తున్న ఫైనల్‌ వార్నింగ్‌’ అంటున్నారు యువ కథానాయకుడు రామ్‌(Ram). లింగు స్వామి దర్శకత్వంలో ఆయన పవర్‌ఫుల్‌ పోలీస్‌ ఆఫీసర్‌ పాత్రలో నటిస్తున్న చిత్రం ‘ది వారియర్‌’(The Warriorr). ఆదివారం రామ్‌ పుట్టిన రోజు సందర్భంగా ఒకరోజు ముందుగానే అభిమానులకు చిత్ర బృందం కానుక ఇచ్చింది. ‘ది వారియర్‌’ను టీజర్‌ను విడుదల చేసింది. ఇందులో రామ్‌ ఇంతకుముందెన్నడూ చేయని ఫుల్‌ మాస్‌ పోలీస్‌ పాత్రలో కనిపించారు. రామ్‌కు దీటుగా ఆది ప్రతినాయకుడిగా నటిస్తున్నారు. తెలుగు, తమిళ భాషల్లో రూపొందుతున్న ఈ చిత్రంలో ఆర్జే విజిల్‌ మహాలక్ష్మి పాత్రలో కృతిశెట్టి(Krithi Shetty) నటిస్తోంది. అక్షర గౌడ కీలక పాత్ర పోషిస్తున్నారు. ఈ చిత్రానికి సంగీతం: దేవిశ్రీప్రసాద్‌.