Save The Tigers 2: ‘సేవ్‌ ది టైగర్స్‌-2’ స్ట్రీమింగ్‌ ఎప్పుడంటే?

ఇంటర్నెట్‌డెస్క్‌: ప్రియదర్శి, చైతన్యకృష్ణ, అభినవ్‌ గోమఠం కీలక పాత్రల్లో తెరకెక్కిన కామెడీ వెబ్‌సిరీస్‌ ‘సేవ్‌ ది టైగర్స్‌’ (Save the tigers). గతేడాది విడుదలైన ఈ సిరీస్‌ ఓటీటీ ప్రేక్షకులను విశేషంగా అలరించింది. దానికి సీక్వెల్‌గా సీజన్‌-2 (Save the tigers-2) రాబోతోంది. శనివారం దీనికి సంబంధించిన ట్రైలర్‌ను డిస్నీ+హాట్‌స్టార్‌ పంచుకుంది. తొలి సీజన్‌ను మించి నవ్వులు పంచడానికి సిద్ధమైనట్లు ప్రచార చిత్రం చూస్తే అర్థమవుతోంది. ఈసారి సీరత్‌కపూర్‌ కీలక పాత్రలో నటించారు. మహి వి. రాఘవ, ప్రదీప్‌ అద్వైతం రూపొందించిన ‘సేవ్‌ ది టైగర్స్‌2’కు అరుణ్ కొత్తపల్లి దర్శకత్వం వహిస్తున్నారు. మార్చి 15వ తేదీ నుంచి ఈ సిరీస్‌ స్ట్రీమింగ్‌ కానుంది.