14 ఏళ్ల ‘మున్నా’.. కీర్తి సురేశ్‌ సంతోషం

సోషల్‌లుక్‌: సినీ తారలు పంచుకున్న నేటి విశేషాలు

ఇంటర్నెట్‌ డెస్క్‌: తన సోదరి రేవతి సురేశ్‌తో కలిసి పనిచేస్తున్నందుకు చాలా ఆనందంగా ఉందన్నారు నాయిక కీర్తి సురేశ్‌. ‘మరక్కర్‌’ సెట్‌లో ఇద్దరూ కలిసి దిగిన ఫొటోని అభిమానులతో పంచుకున్నారామె. మోహన్‌ లాల్‌ హీరోగా తెరకెక్కుతోన్న చిత్రమిది.

* 1980లో వరల్డ్‌ టూర్‌కి వెళ్లారు ప్రముఖ సంగీత దర్శకుడు ఇళయరాజా. ఈఫిల్‌ టవర్‌ (పారిస్‌) వద్ద దిగిన ఇళయరాజా ఫొటోని ఆయన తనయుడు, సంగీత దర్శకుడు యువన్‌ శంకర్‌ రాజా ఇన్‌స్టాగ్రామ్‌లో షేర్‌ చేశారు.

* ప్రభాస్‌ హీరోగా వంశీ పైడిపల్లి తెరకెక్కించిన ‘మున్నా’ చిత్రం 14 ఏళ్లు పూర్తి చేసుకుంది. ‘14 సంవత్సరాల క్రితం నా తొలి చిత్రం విడుదలైంది. మున్నా ఎప్పటికీ నాకు ప్రత్యేకమే’ అని ఈ సందర్భంగా తెలియజేశారు వంశీ.

* భౌతిక దూరం పాటించండి.. ఇంట్లోనే ఉండండి.. జాగ్రత్తగా ఉండండి అంటూ ఓ ఫొటోని షేర్‌ చేశారు యువ నటుడు శ్రీ విష్ణు.