Swara Bhaskar: పండంటి ఆడబిడ్డకు జన్మనిచ్చిన స్వరా భాస్కర్‌..

ముంబయి: బాలీవుడ్‌ నటి స్వరా భాస్కర్‌ (Swara Bhasker) పండంటి ఆడ బిడ్డకు జన్మనిచ్చారు. ఈ  విషయాన్ని ఆమె భర్త ఫహద్‌ అహ్మద్‌ సోషల్‌ మీడియా వేదికగా వెల్లడించారు. సెప్టెంబర్‌ 23న కూతురు పుట్టినట్లు తెలిపారు. ఆమెకు రబియా అనే పేరు కూడా పెట్టినట్లు చెప్పారు. దీంతో అభిమానులు, సినీ ప్రముఖులు ఈ జంటకు శుభాకాంక్షలు చెబుతున్నారు. ప్రస్తుతం ఈ ఫొటోలు సోషల్ మీడియాలో షేర్‌ అవుతున్నాయి. 

ప్రభాస్‌ ‘బాహుబలి’ మైనపు విగ్రహం.. నిర్మాత ఆగ్రహం..!

స్వరా భాస్కర్‌ ఈ ఏడాది జనవరిలో ముంబయికి చెందిన రాజకీయ నాయకుడు ఫహద్‌ అహ్మద్‌ను వివాహమాడారు. జూన్‌లో బేబిబంప్‌ ఫొటోలను షేర్‌ చేసి తల్లికానున్నట్లు తెలిపారు. తాజాగా బిడ్డ ఫొటోలను షేర్‌ చేసి ‘ ప్రార్థనలన్నీ ఫలించాయి. దేవుడు మమ్మల్ని ఆశీర్వదించాడు. మేం కొత్త ప్రపంచంలోకి అడుగుపెట్టం. అందరి ప్రేమాభిమానాలకు ధన్యవాదాలు’ అని రాసుకొచ్చారు.  ఇక 2009లో ఓ హిందీ చిత్రంతో స్వరా భాస్కర్‌ ఇండస్ట్రీలోకి అడుగుపెట్టారు. గతేడాది రెండు చిత్రాలతో ప్రేక్షకులను పలకరించారు. అలాగే ఆమె నటించిన మరో బాలీవుడ్‌ చిత్రం (Mrs Falani) డిసెంబర్‌లో విడుదలకు సిద్ధంగా ఉంది.