Shyam Singha Roy: నాని ‘శ్యామ్‌ సింగరాయ్‌’.. తెర వెనక కష్టం చూశారా..!

ఇంటర్నెట్‌ డెస్క్‌: ప్రేక్షకులు తెరపై మూడు గంటల సినిమా చూసి వినోదం పొందాలంటే తెర వెనక ఎంతోమంది కష్టపడాలి. పీరియాడికల్‌ నేపథ్యమున్న చిత్రాలైతే ఆ శ్రమ ఇంకా ఎక్కువగా ఉంటుంది. ఆనాటి పరిస్థితులను కళ్లకు కట్టినట్టు చూపించాలంటే సెట్స్‌, నటుల ఆహార్యం విషయంలో చాలా జాగ్రత్త వహించాలి. ‘శ్యామ్‌ సింగరాయ్‌’ కోసం దర్శకుడు రాహుల్‌ సాంకృత్యన్‌ ఇదే స్థాయిలో శ్రమించారు. నాని హీరోగా ఆయన రూపొందించిన ఈ చిత్రం డిసెంబరు 24న విడుదలకానుంది. ఈ నేపథ్యంలో ‘మేకింగ్‌ వీడియో’ విడుదలైంది. యాక్షన్‌ సన్నివేశాల చిత్రీకరణ, సెట్స్‌ను తీర్చిదిద్దిన తీరును ఇందులో చూడొచ్చు. అనుకున్న ఔట్‌పుట్‌ వచ్చేందుకు దర్శకుడు, నటులు, సాంకేతిక బృందం ఎంత కష్టపడ్డారో ఈ వీడియో చూస్తే అర్థమవుతుంది. ఈ సినిమాలో సాయి పల్లవి, కృతిశెట్టి, మడోన్నా సెబాస్టియన్‌ కథానాయికలు. నిహారిక ఎంటర్‌టైన్‌మెంట్స్‌ సంస్థ నిర్మించిన ఈ చిత్రానికి మిక్కీ జె. మేయర్‌ సంగీతం అందించారు. .

► Read latest Cinema News and Telugu News