The Vaccine War Ott: ఓటీటీలో ‘ది వ్యాక్సిన్‌ వార్’ స్ట్రీమింగ్‌ ఎక్కడంటే?

ఇంటర్నెట్‌డెస్క్‌: ‘ది కశ్మీర్‌ ఫైల్స్‌’తో మంచి విజయాన్ని అందుకున్న దర్శకుడు వివేక్‌ రంజన్‌ అగ్నిహోత్రి తెరకెక్కించిన మరో ఆసక్తికర చిత్రం ‘ది వ్యాక్సిన్‌ వార్‌’ (The Vaccine War). ఈ ఏడాది సెప్టెంబరు 28 ప్రేక్షకుల ముందుకు వచ్చిన ఈ సినిమా మిశ్రమ స్పందనలకే పరిమితైంది. అనుపమ్‌ ఖేర్‌, నానా పటేకర్‌, పల్లవి జోషి ఈ సినిమాలో కీలక పాత్రలు పోషించారు. భారతీయ శాస్త్రవేత్తల నిజమైన కథల ఆధారంగా ఈ చిత్రాన్ని తెరకెక్కించారు.  కొవిడ్‌ మహమ్మారి సమయంలో దానిని ఎదుర్కోవడానికి వ్యాక్సిన్‌ను శాస్త్రవేత్తలు ఎలా అభివృద్ధి చేశారనేది ఈ చిత్రంలో చూపించారు. ఇప్పుడు ఓటీటీ వేదికగా ప్రేక్షకులను అలరించడానికి సిద్ధమైంది. ప్రముఖ ఓటీటీ వేదిక డిస్నీ+హాట్‌స్టార్‌ వేదికగా నవంబరు 24వ తేదీ నుంచి స్ట్రీమింగ్‌ కానుంది. ప్రస్తుతం హిందీలోనే ఇది అందుబాటులో ఉంటుందని డిస్నీ+హాట్‌స్టార్‌ తెలిపింది. మరి ఇతర భారతీయ భాషల్లోనూ ‘ది వ్యాక్సిన్‌ వార్’ అందిస్తారా? లేదా? అన్నది చూడాలి.