Simbu: శింబు కొత్త చిత్రం ఓటీటీలోకి వచ్చేస్తోంది.. ఎప్పుడంటే?

ఇంటర్నెట్‌ డెస్క్‌: శింబు (Simbu) హీరోగా దర్శకుడు గౌతమ్‌ మేనన్‌ (Gautham Menon) తెరకెక్కించిన తమిళ చిత్రం ‘వెందు తనిందతు కాడు’ (Vendhu Thanindhathu Kaadu). తెలుగులో ‘ది లైఫ్‌ ముత్తు’ (The Life Of Muthu) పేరుతో ఇటీవల విడుదలై, ఆకట్టుకుంది. ఇప్పుడు ఓటీటీలోకి సందడి చేసేందుకు సిద్ధమైంది. అక్టోబరు 13 నుంచి ఈ సినిమా ‘అమెజాన్‌ ప్రైమ్‌ వీడియో’ (Amazon Prime Video)లో స్ట్రీమింగ్‌ కానుంది. సోషల్‌ మీడియా వేదికగా విడుదల తేదీని ప్రకటించిన సదరు సంస్థ తెలుగు వెర్షన్‌పై స్పష్టతనివ్వలేదు. సిద్ధి ఇద్నాని కథానాయికగా మెరిసిన ఈ చిత్రంలో రాధిక కీలక పాత్రతో మెప్పించారు. ఏ దిక్కూలేని వ్యక్తి జీవితంలో ఎన్ని అవమానాలు ఎదుర్కొన్నాడు? వాటిని అధిగమించి ఉన్నత స్థాయికి ఎలా ఎదిగాడు? అనే కథాంశంతో ఈ చిత్రం రూపొందింది. త్వరలో ఈ సినిమాకి సీక్వెల్‌ తెరకెక్కనుంది.