Vijay: విజయ్‌ మంచి మనసు.. వరద బాధితుల కోసం కదిలివచ్చిన నటుడు

ఇంటర్నెట్‌డెస్క్‌: కోలీవుడ్‌ నటుడు విజయ్‌  (Vijay) మరోసారి తన మంచి మనసు చాటుకున్నారు. తమిళనాడులో ఇటీవల ఏర్పడిన వరదల కారణంగా ఇబ్బందులు ఎదుర్కొంటోన్న బాధిత కుటుంబాలను ఆయన పరామర్శించారు. ఈ మేరకు శనివారం ఉదయం తూత్తుకుడి, నెల్లైలో పర్యటించిన ఆయన.. బాధితులకు బియ్యం, కూరగాయలతోపాటు పలు నిత్యావసరాలు అందించారు. దీనికి సంబంధించిన పలు వీడియోలు ప్రస్తుతం నెట్టింట వైరల్‌గా మారాయి. విజయ్‌ గొప్ప మనసును నెటిజన్లు మెచ్చుకుంటున్నారు.

సినిమాల విషయానికి వస్తే.. ‘వారిసు’, ‘లియో’తో ఈ ఏడాది ప్రేక్షకులను అలరించారు విజయ్‌. ప్రస్తుతం ఆయన వెంకట్‌ ప్రభు దర్శకత్వంలో ఓ సినిమా చేస్తున్నారు. విజయ్‌ 68గా ఈ ప్రాజెక్ట్‌ ప్రచారంలో ఉంది. మీనాక్షి చౌదరి కథానాయిక. ప్రశాంత్‌, స్నేహ, లైలా, జయరామ్‌, యోగిబాబు తదితరులు కీలక పాత్రలు పోషిస్తున్నారు.