Gaami: అఘోరాగా విశ్వక్‌సేన్‌.. ‘గామి’ ఫస్ట్‌లుక్‌ పోస్టర్‌ రిలీజ్‌

హైదరాబాద్‌: విశ్వక్‌ సేన్‌ (Vishwak sen) హీరోగా నటిస్తోన్న కొత్త చిత్రం ‘గామి’ (Gaami). విద్యాధర్‌ దర్శకుడిగా పరిచయమవుతున్నారు. తాజాగా ఈ సినిమా ఫస్ట్‌లుక్‌ పోస్టర్‌ను చిత్రబృందం విడుదల చేసింది. ‘‘అతని అతిపెద్ద భయం మానవ స్పర్శ. లోతైన కోరిక కూడా మానవ స్పర్శే. ఒక వ్యక్తి విభిన్నమైన కథ.. భయాన్ని జయించడానికి అతడి ప్రయాణం’’ అని క్యాప్షన్‌ జత చేసింది. విభిన్నమైన కథాంశంతో తెరకెక్కుతోన్న ఇందులో విశ్వక్‌ అఘోరాగా కనిపించనున్నారు. చాందినీ చౌదరి కథానాయిక. త్వరలోనే ఇది ప్రేక్షకుల ముందుకు రానుంది.

Prasanth Varma: ఆ విషయంలో రాజమౌళిపై కోపం వచ్చింది: ప్రశాంత్‌ వర్మ

‘గామి’ని ఉద్దేశించి ఇటీవల ఓ ఇంటర్వ్యూలో విశ్వక్‌ స్పందించారు. దాదాపు నాలుగున్నర ఏళ్లగా దాని కోసం వర్క్‌ చేస్తున్నట్లు చెప్పారు. తన పాత్ర చాలా విభిన్నంగా ఉంటుందన్నారు. హిమాలయాలు, వారణాసి వంటి ప్రాంతాల్లో షూట్‌ చేశామన్నారు. కథ విషయంలో దర్శకుడు ఎంతో స్పష్టంగా ఉన్నారని తెలిపారు. సినిమా షూటింగ్ పూర్తైందని.. చిత్రం విడుదలకు ఆసక్తిగా ఎదురుచూస్తున్నానని చెప్పారు.