ఒంగోలు లోక్‌సభ తెదేపా టికెట్‌ మాగుంట శ్రీనివాసులురెడ్డికే!

ఈనాడు, అమరావతి, ఒంగోలు: ఒంగోలు లోక్‌సభ టికెట్‌ ప్రస్తుత ఎంపీ మాగుంట శ్రీనివాసులురెడ్డికే కేటాయించాలని తెదేపా నిర్ణయించినట్లు తెలిసింది. ఒంగోలు సీటుకు శ్రీనివాసులురెడ్డితోపాటు ఆయన కుమారుడు రాఘవరెడ్డి అభ్యర్థిత్వాన్ని పార్టీ మొదట పరిశీలించింది. తాజా పరిణామాల నేపథ్యంలో శ్రీనివాసులురెడ్డినే తెదేపా ఖరారు చేసినట్లు సమాచారం. ఒంగోలు లోక్‌సభ స్థానానికి మాగుంట శ్రీనివాసులురెడ్డి పోటీ చేస్తారని ఆయన తనయుడు రాఘవరెడ్డి సోమవారం ఒంగోలులో విడుదల చేసిన ఒక ప్రకటనలో తెలిపారు. తెదేపా పోటీ చేస్తున్న 17 లోక్‌సభ స్థానాల్లో ఒంగోలుతో పాటు విజయనగరం, కడప, అనంతపురం సీట్లకు అభ్యర్థుల్ని ప్రకటించాల్సి ఉంది.