సీఏఏ, ఎన్‌ఆర్‌సీ, యూసీసీలను పశ్చిమబెంగాల్‌లో అమలు చేయబోం

మమతా బెనర్జీ పునరుద్ఘాటన

కోల్‌కతా: పౌరసత్వ సవరణ చట్టం (సీఏఏ), జాతీయ పౌర పట్టిక (ఎన్‌ఆర్‌సీ), ఉమ్మడి పౌరస్మృతి (యూసీసీ)లను తమ రాష్ట్రంలో అమలు చేసేదే లేదని పశ్చిమబెంగాల్‌ ముఖ్యమంత్రి మమతా బెనర్జీ పునరుద్ఘాటించారు. రంజాన్‌ సందర్భంగా గురువారం రెడ్‌ రోడ్‌లో నిర్వహించిన సమావేశంలో ఆమె పాల్గొన్నారు. ఈ సందర్భంగా మాట్లాడుతూ.. ఎన్నికలు దగ్గర పడుతుండడంతో కొంతమంది మతం పేరుతో కలహాలను సృష్టించే పనిలో ఉన్నారని ఆరోపించారు. వీటిని తిప్పికొట్టేందుకు ప్రభుత్వం సిద్ధంగా ఉందని.. ప్రజలు మాత్రం వారి మాయలº పడొద్దని విజ్ఞప్తి చేశారు. తాను జీవించి ఉన్నంత వరకూ ప్రజల కోసమే పోరాడతానని తెలిపారు. ఎన్నికల వేళ విపక్షాలను భయపెట్టేందుకు భాజపా దర్యాప్తు సంస్థలను ఉపయోగించుకుంటోందని మమత మండిపడ్డారు.