Guntur: ఎన్నికల ప్రచారంలో నాదెండ్ల.. జనసేన నేత వాహనంపై దాడి

తెనాలి: ఎన్నికల కోడ్‌ అమల్లోకి వచ్చినా దాడులు ఆగడం లేదు. గుంటూరు జిల్లా కొల్లిపర మండలం వల్లభాపురంలో జనసేన నేత  కారు అద్దాలను గుర్తు తెలియని వ్యక్తులు ధ్వంసం చేశారు. బుధవారం వల్లభాపురం గ్రామంలో తెదేపా, జనసేన నాయకులు, కార్యకర్తలతో తెనాలి ఎమ్మెల్యే అభ్యర్థి, జనసేన పీఏసీ ఛైర్మన్‌ నాదెండ్ల మనోహర్‌ సమావేశమయ్యారు. మీటింగ్‌ జరుగుతున్న సమయంలో గుర్తు తెలియని వ్యక్తులు సమీపంలో నిలిపి ఉంచిన భీమవరపు వేణుగోపాల్‌రెడ్డి కారు అద్దాలు ధ్వంసం చేశారు. వాహనాన్ని పరిశీలించిన నాదెండ్ల మనోహర్‌.. ఘటనపై పోలీసులకు ఫిర్యాదు చేయాలని నేతలకు సూచించారు.