గోప్యత గోప్యంగా..
మన వ్యక్తిగత వివరాలు ఆన్లైన్లో చోరీ అవుతున్నాయా? పెగాసస్ హ్యాకింగ్ వివాదం అనంతరం అందరి మదిలోనూ మెదులుతున్న ప్రశ్న. మన సమాచారం చోరీ అయ్యిందో లేదో కచ్చితంగా తెలియదు గానీ దీనికి ముప్పు పొంచి ఉన్న మాట మాత్రం ...
మన వ్యక్తిగత వివరాలు ఆన్లైన్లో చోరీ అవుతున్నాయా? పెగాసస్ హ్యాకింగ్ వివాదం అనంతరం అందరి మదిలోనూ మెదులుతున్న ప్రశ్న. మన సమాచారం చోరీ అయ్యిందో లేదో కచ్చితంగా తెలియదు గానీ దీనికి ముప్పు పొంచి ఉన్న మాట మాత్రం నిజం. బడా కార్పొరేట్ సంస్థలు, టెక్ కంపెనీలు సమాచారాన్ని సేకరిస్తుండమే దీనికి కారణం. మరి వీరి ‘కంట’ పడకుండా తప్పించుకోవటమెలా?
ఇప్పుడు మనం వాస్తవ ప్రపంచంలో కన్నా ఆన్లైన్లోనే ఎక్కువ సమయం గడుపుతున్నాం. ఈమెయిళ్ల దగ్గర్నుంచి, ఛాటింగ్, షాపింగ్ వరకూ అన్నీ ఇందులోనే చేసేస్తున్నాం. ఇది మనకు సౌకర్యంగానే ఉండొచ్చు గానీ వ్యక్తిగత వివరాలు ఇతరుల చేతికి చిక్కే అవకాశం లేకపోలేదు. ఎందుకంటే బడా కార్పొరేషన్లు, టెక్ సంస్థలు ఆన్లైన్లో నిరంతరం మన వ్యవహారాలను ఓ కంట కనిపెడుతుంటాయి. మనకు ఇష్టమైన సేవలు, వస్తువుల గురించి తెలుసుకుంటూ ఉంటాయి. అనంతరం వాటిని మనకు అమ్మటానికి ఆహ్వానాలు పంపుతుంటాయి. ఇలా ప్రకటనల కోసం ఖర్చు పెట్టాల్సిన పనిలేకుండా కోట్లాది రూపాయలను ఆదా చేసుకుంటాయి. మన ఆసక్తులను బట్టి వీటి ఆహ్వానాలూ మారుతూ వస్తుంటాయి. చవక వస్తువులకు బదులు ఖరీదైన వాటి కోసం వెతుకుతున్నామనుకోండి. అలాంటివే అందించటానికి ఉవ్విళ్లూరుతుంటాయి. ఆయా వస్తువుల పట్ల మనం ఎంత సంతృప్తి చెందుతున్నామనేది తెలుసుకోవటానికి టూల్స్నూ రూపొందిస్తాయి. వీటితో కంపెనీలకు మరో పెద్ద ప్రయోజనం రిస్క్లను తప్పించుకోవటం. మన అవసరాలను బట్టి కావాల్సిన వస్తువులనే తయారు చేయటం వల్ల ఖర్చు, కాలం రెండూ ఆదా అవుతాయి. టెక్ కంపెనీలను మన సమాచారాన్ని సేకరించి సప్లయర్ నెట్వర్క్లకు అమ్ముతాయి. ఇవి మన ప్రవర్తన ఆధారంగా మనకు ఉపయోగపడే వస్తువులను తయారుచేస్తాయి.
ఎలాంటి సమాచారం సేకరిస్తారు?
కంపెనీలు చాలావరకు మన పేరు, ఈమెయిల్ చిరునామా, నివాస ప్రాంతం వంటి వ్యక్తిగత సమాచారాన్ని తెలుసుకోవటానికే ఇష్టపడతాయి. ఐపీ అడ్రస్, బ్రౌజింగ్ కోసం వాడుతున్న పరికరాలు, ఏమేం బ్రౌజ్ చేస్తున్నారు, తేదీ, సమయం, రిక్వెస్ట్ల యూఆర్ఎల్, వాడుతున్న యాప్ల మధ్య ఇంటరాక్షన్ వంటివి తెలుసుకోవాలనీ ఉబలాట పడతాయి. బ్రౌజింగ్ హిస్టరీ, చూసిన ప్రకటనలు, ప్రకటనలకు స్పందిస్తున్న తీరు, తేదీ, ఆన్లైన్లో గడుపుతున్న సమయం కూడా ముఖ్యమే. వైఫై యాక్సెస్ పాయింట్, బ్లూటూత్ కనెక్షన్, జీపీఎస్ పొజిషనింగ్ వంటి వాటి ద్వారా నివాస ప్రాంతాన్నీ తెలుసుకుంటాయి.
వీటిని ఓడించటమెలా?
మనం మనుషులం. మన సమాచారాన్ని సేకరించేవి కంప్యూటర్లు. అందువల్ల మనం వాటిని ఓడించటం సాధ్యమే. ఇందుకు కొన్ని జాగ్రత్తలు ఉపయోగపడతాయి. వీటిలో డేటాను పక్కదారి పట్టించటం ఒకటి. దీన్నే డేటా పాయిజనింగ్ అనుకోవచ్చు. సాధారణంగా మనం చేయని పనులను చేయటం, మనకు ఇష్టంలేని వస్తువుల మీద ఆసక్తి చూపటం వంటి చర్యలతో సమాచారం సేకరించే కంప్యూటర్లను బురిడీ కొట్టించొచ్చు. డేటా సమ్మెనూ ఉపయోగించుకోవచ్చు. అంటే మన సమాచారాన్ని ఇవ్వకుండా పక్కన పెట్టేయొచ్చు. లేదూ ఇప్పటికే ఇచ్చిన వివరాలను డిలీట్ చేయొచ్చు. మన సమాచారాన్ని తీసుకోనీయకుండా ప్రైవసీ టూల్స్ను వాడుకోవచ్చు. ఫేస్బుక్ వంటి వెబ్సైట్లు థర్డ్ పార్టీలతో పంచుకున్న సమాచారాన్ని మార్చుకోవటానికి వీలు కల్పిస్తున్నాయి. సమాచారాన్ని ఎంతవరకు, ఎప్పుడెప్పుడు సేకరించటానికి అనుమతి ఇవ్వాలనేది ప్రైవసీ సెటింగ్స్ ద్వారా అడ్జస్ట్ చేసుకోవచ్చు.
* చాలామంది వ్యక్తిగత సమాచారాన్ని సేకరించటానికి గూగుల్ ముఖ్య కేంద్రం. ఎక్కువ మంది వాడేది ఇదే. ప్రకటనల సెర్చ్ల నుంచి మన పేరు తొలగించుకోవటం ద్వారా కొంతవరకు కాపాడుకోవచ్చు. ఇందుకు గూగుల్ యాక్టివిటీస్లోకి వెళ్లి యాడ్ పర్సనలైజేషన్, యూట్యూబ్ హిస్టరీ, యాప్, వెబ్ యాక్టివిటీలను మేనేజ్ చేసుకోవటం బాగా ఉపయోగపడుతుంది. మేనేజ్ యువర్ యాక్టివిటీ కంట్రోల్స్లో ఆటో డిలీట్ను టర్న్ ఆన్ చేసుకుంటే తరచూ డేటా దానంతటదే తొలగిపోతుంది.
* మన వ్యక్తిగత అనుభవాలను తెలుసుకోవటానికి చాలా వెబ్సైట్లు కుకీస్ను ఉపయోగించుకుంటుంటాయి. వెబ్సైట్లోకి వెళ్లటానికి యథాలాపంగా కుకీస్ను యాక్సెప్ట్ చేస్తుంటాం. కానీ దీంతో మన వ్యవహారాలను థర్డ్ పార్టీలతో పంచుకోవటానికీ అనుమతిస్తున్నామనే సంగతి చాలామందికి తెలియదు. ఒక వెబ్సైట్ నుంచి మరో వెబ్సైట్ వరకు మన వ్యవహారాలు వీటి ద్వారానే తెలుస్తాయి. బ్రౌజర్ సెటింగ్స్లోకి వెళ్లి కుకీస్ను టర్న్ ఆఫ్ చేసుకుంటే వీటి బెడద నుంచి తప్పించుకోవచ్చు.
* కావాలనుకుంటే మరింత త్రీవమైన చర్య తీసుకోవచ్చు. అది ఆయా వెబ్సైట్ల సేవల నుంచి పూర్తిగా వైదొలగటం. అప్పుడు కంపెనీలు మనల్ని ఏమీ చేయలేవు. కాకపోతే ముందుగా మన ఖాతాలను పూర్తిగా డిలీట్ చేయాలి. ఇందుకోసం JustDeleteMe ని ఉపయోగించుకోవచ్చు. ఇది డైరెక్ట్ లింకుల డైరెక్టరీ. వందలాది వెబ్ సర్వీసుల నుంచి మన ఖాతాలను ఇట్టే తొలగించేస్తుంది. ఖాతాను తొలగించుకోవటానికి అనుమతించే వెబ్ సర్వీస్ పేజీని నేరుగా చేరుకోవటానికి జస్ట్డిలీట్మీ ఉపయోగపడుతుంది. https://justdeleteme.xyz ద్వారా దీన్ని వాడుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మైక్రోసాఫ్ట్ 2ఎఫ్ఏ ఎలా?
మైక్రోసాఫ్ట్ ఖాతాను మరింత సురక్షితం చేసుకోవాలనుకుంటున్నారా? అయితే టూఫ్యాక్టర్ అథెంటికేషన్ను (2ఎఫ్ఏ) సెట్ చేసుకోండి. రోజురోజుకీ హ్యాకింగ్ పద్ధతులు తెలివి మీరుతున్న నేపథ్యంలో ఇది తప్పనిసరి. -
పీసీ వేగంగా స్టార్ట్
కొత్త విండోస్ పీసీ కొద్ది సెకండ్లలోనే బూటప్ అవుతుంది. కానీ క్రమంగా నెమ్మదిస్తూ వస్తుంది. మరి పీసీ త్వరగా స్టార్టయ్యేలా చేయాలంటే? ఇందుకు కొన్ని ట్రిక్కులు లేకపోలేదు. -
స్మార్ట్ఫోనే రిమోట్
టెలివిజన్లలో ఇప్పుడు స్మార్ట్ టీవీల హవా నడుస్తోంది. టీవీ కార్యక్రమాలే కాకుండా ఓటీటీలు, యూట్యూబ్, అంతర్జాల వీక్షణ వంటి వాటికివి ఎంతగానో ఉపయోగపడుతున్నాయి. -
గూగుల్ ఖాతా భద్రం
‘ఫేస్బుక్లో అలాంటి పోస్ట్ పెట్టావేంటి?’ అని మిత్రులెవరైనా అడిగారా? మీరు పంపించని మెయిళ్లు అవుట్బాక్సులో కనిపిస్తున్నాయా? మీ పేరు మీద ఎవరో రుణాలు తీసుకున్నట్టు గుర్తించారా? ఇవీ ఒకరకం మోసాలే. -
పీసీ షట్డౌన్ తేలికగా..
కంప్యూటర్ను షట్డౌన్ చేయటం పెద్ద పనేమీ కాదు. కానీ కొన్నిసార్లు చాలా త్వరగా షట్డౌన్ చేయాల్సి రావొచ్చు. అప్పుడు కీబోర్డు మీటలు కలిపి నొక్కే పద్ధతులు బాగా ఉపయోగపడతాయి. అలాంటి కొన్ని చిట్కాలు చూద్దాం. -
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
‘కీప్’ గోయింగ్!
రోజురోజుకీ నోట్-టేకింగ్ యాప్స్కు ఆదరణ పెరుగుతోంది. వివిధ ప్రయోజనాలు ఉండటంతో యువత వీటిని ఎక్కువగా వాడుతున్నారు. ఇప్పుడు బోలెడన్ని ఉచిత నోట్ టేకింగ్ యాప్లూ అందుబాటులో ఉన్నాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
అమెజాన్ మ్యూజిక్లో ఏఐ ప్లేలిస్టు ఫీచర్
సంగీత ప్రియులను ఆకట్టుకోవటానికి మ్యూజిక్ యాప్లు కృత్రిమ మేధ (ఏఐ) సాయంతో కొత్త పుంతలు తొక్కుతున్నాయి. స్పోటిఫై ఇటీవల ప్రీమియం యూజర్ల కోసం ఏఐ ఆధారిత ప్లేలిస్ట్ జనరేటర్ను అందుబాటులోకి తెచ్చింది. -
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
వెబ్లోనూ ట్రూకాలర్
స్మార్ట్ఫోన్లలో ట్రూకాలర్ను చాలాకాలంగా వాడుతూనే ఉన్నాం. అజ్ఞాత, స్పామ్ కాల్స్ను గుర్తించటానికిది బాగా ఉపయోగపడుతుంది. ఇప్పుడిది వెబ్ బ్రౌజర్ రూపంలోకీ మారింది. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు.
తాజా వార్తలు (Latest News)
-
ఫ్రీగా ఇస్తాం.. ఈ విల్లా తీసుకోండి..!
-
ఈనాడు.నెట్లో టాప్ 10 వార్తలు @ 9 PM
-
మనీ స్వైపింగ్ స్కామ్.. బ్యాంక్ మెసేజ్లతో కొత్త మోసం!
-
కొనసాగుతున్న లేఆఫ్లు.. 4 నెలల్లో 80 వేల మంది ఉద్యోగులపై వేటు
-
ఓటీటీలో విజయ్ ఆంటోనీ కొత్త మూవీ.. స్ట్రీమింగ్ ఎప్పుడంటే?
-
భద్రతా బలగాలపై ఉగ్ర కాల్పులు.. అయిదుగురు జవాన్లకు గాయాలు