ట్విటర్‌లో పోల్‌ సెట్‌ చేస్తారా?

సామాజిక మాధ్యమాల్లో పోల్‌ ద్వారా అభిప్రాయాలను తెలుసుకోవటం తెలిసిందే. తమను అనుసరించేవారు ఆయా అంశాల గురించి ఏమనుకుంటున్నారో అనేది గ్రహించటానికివి తోడ్పడతాయి. సమాచార సేకరణకిది తేలికైన, సరైన మార్గం కూడా. మరి ట్విటర్‌లో పోల్స్‌ను ఎలా క్రియేట్‌ చేసుకోవాలో తెలుసా?

* ఆండ్రాయిడ్‌ పరికరంలో ట్విటర్‌ యాప్‌ను ఓపెన్‌ చేయాలి.

* కింద కుడి మూలన కనిపించే ప్లస్‌ గుర్తు మీద నొక్కాలి.

* ట్వీట్‌ ఆప్షన్‌ను ఎంచుకోవాలి.

* తెర అడుగున కనిపించే పోల్‌ బటన్‌ మీద తాకాలి.

* ప్రశ్న, ఐచ్ఛికాల బాక్సుల్లో వాటికి సంబంధించిన విషయాలను టైప్‌ చేయాలి.

* పోల్‌ గడువును ఎంచుకొని, సమయాన్ని సెట్‌ చేసుకోవాలి.

* అనంతరం పోల్‌ను ట్వీట్‌ చేయాలి. అంతే ఓట్లేయటానికి పోల్‌ సిద్ధమైపోతుంది.