ఇ-సిమ్కథ!
సిమ్ కార్డుల గురించి తెలిసిందే. మరి ఇ-సిమ్ల గురించి? టెలికం సేవా సంస్థలు వీటి గురించి తరచూ ప్రస్తావిస్తున్నాయి. ఫోన్ కంపెనీలు కూడా ప్రోత్సహిస్తున్నాయి. ముఖ్యంగా యాపిల్ బాగా ముందంజలో ఉంది.
సిమ్ కార్డుల గురించి తెలిసిందే. మరి ఇ-సిమ్ల గురించి? టెలికం సేవా సంస్థలు వీటి గురించి తరచూ ప్రస్తావిస్తున్నాయి. ఫోన్ కంపెనీలు కూడా ప్రోత్సహిస్తున్నాయి. ముఖ్యంగా యాపిల్ బాగా ముందంజలో ఉంది. మనదగ్గర జియో, ఎయిర్టెల్, వొడాఫోన్ వంటి టెలికం సంస్థలు వీటిని అందిస్తున్నాయి. మున్ముందు ఇవి విశేష ప్రాచుర్యం పొందినా ఆశ్చర్యపోనవసరం లేదు. ఇంతకీ ఇ-సిమ్ అంటే?
ఎంబెడెడ్ సిమ్నే ముద్దుగా ఇ-సిమ్ అని పిలుచుకుంటున్నారు. ఇది ప్రోగ్రామ్ చేసుకోగదగిన చిప్. మెయిన్ సర్క్యూట్ బోర్డుకు నేరుగా అంటుకొని ఉంటుంది. పేరుకు తగ్గట్టుగానే ఇది స్మార్ట్ఫోన్, ట్యాబ్లెట్, స్మార్ట్వాచ్ వంటి పరికరాల్లో నిక్షిప్తమై ఉంటుంది. మామూలు సిమ్ కార్డు మాదిరిగా ఫోన్లో ఇన్సర్ట్ చేయాల్సిన అవసరముండదు. బయటకు తీసి, వేరే ఫోన్లో వేయటమూ కుదరదు. కన్ఫిగరేషన్ ఫైల్తో పరికరంలో యాక్టివేట్ అవుతుంది. దీని కన్ఫిగరేషన్ ఫైల్ను ఇ-సిమ్ ప్రొఫైల్ అని పిలుచుకుంటుంటారు. క్యూఆర్ కోడ్ రూపంలో అందే దీన్ని స్కాన్ చేసి డౌన్లోడ్ చేసుకోవాల్సి ఉంటుంది. ఇదీ సిమ్ కార్డులాగానే పనిచేస్తుంది కానీ ఒక నెట్వర్క్తోనే ముడిపడి ఉండదు. సాఫ్ట్వేర్ ద్వారా ప్రోగ్రామ్ చేసుకోవచ్చు. రీరైట్ చేసుకోవచ్చు. అంటే సిమ్ను తీసి, కొత్త సిమ్ను ఇన్సర్ట్ చేయాల్సిన పనిలేకుండా నెట్వర్క్ను మార్చుకోవచ్చు అన్నమాట. ఇప్పటికే చాలామంది రెండు సిమ్ల ఫోన్లలో రెండో సిమ్గా ఇ-సిమ్ను వాడుకుంటున్నారు. అయితే అన్ని ఫోన్లలో ఇసిమ్ సదుపాయం లేదు. కొన్ని కంపెనీలే దీన్ని కల్పిస్తున్నాయి. ఉదాహరణకు- యాపిల్ గత కొన్నేళ్లుగా ఇ-సిమ్ అవకాశాన్ని కల్పిస్తోంది. దీని విషయంలో యాపిల్ మార్గదర్శిగానూ నిలుస్తోంది. ఈ కొత్త టెక్నాలజీని ప్రాచుర్యంలోకి తేవటానికి ప్రయత్నిస్తోంది. అమెరికాలో అందుబాటులో ఉండే ఐఫోన్ 14లో ఇ-సిమ్ సదుపాయం మాత్రమే ఉండటం గమనార్హం. రేపోమాపో అన్ని స్మార్ట్ఫోన్ కంపెనీలు దీన్నే అనుసరించొచ్చని అనుకుంటున్నారు.
ఇబ్బందులు లేకపోలేదు
మనదేశంలో ఇ-సిమ్ల విషయంలో కొన్ని లోపాలు లేకపోలేదు. సిమ్కార్డును ఒక ఫోన్ నుంచి మరో ఫోన్లోకి మార్చుకుంటే వెంటనే పని మొదలెడుతుంది. కానీ మనదగ్గర ఇ-సిమ్ను ఒక పరికరం నుంచి మరో పరికరానికి మార్చుకోవటానికి కొన్ని గంటలు పడుతుంది. ఈ సమయంలో వన్ టైమ్ పాస్వర్డ్ల వంటివి అందవు. సిమ్ కార్డును వేరే ఫోన్లోకి మారిస్తే దాంతో పాటే సేవ్ అయిన కాంటాక్టు నంబర్లు కూడా బదిలీ అవుతాయి. అదే ఇ-సిమ్లోనైతే క్లౌడ్ ద్వారా వీటిని తీసుకోవాల్సి ఉంటుంది. ఇది తేలికే గానీ దీనికీ కొంత సమయం పడుతుంది. అన్నింటికన్నా ముఖ్యమైంది- ప్రస్తుతం మనదగ్గర కొన్ని ఫోన్లే ఇ-సిమ్ను సపోర్టు చేస్తుండటం. యాపిల్, గూగుల్, సామ్సంగ్ వంటి కంపెనీల కొన్ని ఫోన్లే ఈ సదుపాయాన్ని అందిస్తున్నాయి.
లాభాలు అనేకం
ఇ-సిమ్ల ప్రత్యేకతలత్లో ఒకటి- ఒక నెట్వర్క్ నుంచి మరోదానికి తేలికగా మారే వీలుండటం. సిమ్ కార్డును తీయటానికి, పెట్టటానికి ఎజెక్టర్ టూల్ అవసరం లేదు. ఇప్పుడు చాలా దేశాలు ఇ-సిమ్ టెక్నాలజీ కలిగి ఉంటున్నాయి. దీంతో విదేశాలకు వెళ్లినప్పుడు సిమ్ కార్డును ఇన్సర్ట్ చేయకుండానే స్థానిక నెట్వర్క్కు మారిపోవచ్చు. అక్కడి నెట్వర్క్లను వాడుకున్నట్టయితే ఖర్చూ తగ్గుతుంది. ఫోన్ కంపెనీలు పరికరాన్ని తయారుచేసేటప్పుడు సిమ్ కార్డు అమర్చే చోటును బ్యాటరీ కోసం వాడుకోవటానికీ అవకాశం కల్పిస్తుంది. సిమ్ కార్డు పళ్లెం చిన్నగానే అనిపించొచ్చు గానీ బ్యాటరీ పవర్ విషయానికి వస్తే గొప్పదే అనుకోవచ్చు. కార్డు అమర్చే బటన్ ఉండదు కాబట్టి తేమ, ధూళి వంటివి లోనికి వెళ్లటం తగ్గుతుంది. భద్రత పెరగటం మరో ప్రయోజనం. ఫోన్ను ఎవరైనా కొట్టేస్తే ఇ-సిమ్ను తీసే వీలుండదు. ఫోన్ నంబరును సంగ్రహించి, మోసాలకు వాడుకునే వీలుండదు. ఇ-సిమ్ను యాక్టివేట్ చేసిన ఐఫోన్ను ఎవరైనా దొంగిలిస్తే ఫైండ్ మై ఫోన్ ఫీచర్తో తేలికగా గుర్తించొచ్చు. ఫోన్ను స్విఛాప్ చేసినా అది ఎక్కడుందో తెలుస్తుంది. పరికరాన్ని అన్లాక్ చేయకుండా ఇ-సిమ్ను డీయాక్టివేట్ చేయటం కుదరదు మరి. ఇ-సిమ్ను తేలికగా అప్డేట్ చేసుకోవచ్చు. ఏవైనా లోపాలుంటే సరిచేయొచ్చు. ఇందులో ఒకటి కన్నా ఎక్కువ ఖాతాలను, ప్రొఫైళ్లను జోడించుకోవచ్చు. అందువల్ల ఒకే ఫోన్లో ఆఫీసు నంబరు, వ్యక్తిగత నంబర్లను తేలికగా మార్చుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
పాలపుంత కేంద్రం తెలుసా?
మన నక్షత్ర మండలమైన పాలపుంత కేంద్రం ఎక్కడుందో తెలుసుకోవాలని అనుకుంటున్నారా? అయితే ఐఫోన్ కొత్త యాప్ సాయం తీసుకోవచ్చు. -
పీసీఆర్ కథ
పాలిమరేజ్ చైన్ రియాక్షన్ అంటే ఎవరికీ తెలియకపోవచ్చు. కానీ పీసీఆర్ పరీక్ష అనగానే అంతా గుర్తుపట్టేస్తారు. కొవిడ్ విజృంభించినప్పుడు ఇదెంత ప్రాముఖ్యం సంతరించుకుందో తెలిసిందే -
పురాతన నక్షత్ర మండలం సరికొత్త సవాల్
కృష్ణ పదార్థం (డార్క్ మ్యాటర్) చుట్టూ ఉండే భారీ పరివేషాల సమీపంలో తొలి నక్షత్ర మండలాలు ఏర్పడ్డాయని ఖగోళ శాస్త్రవేత్తలు భావిస్తుంటారు. -
సుదూర అంతరిక్షంలో మరో భూమి!
భూమి ఆయుష్షు ఏటికేడు తగ్గుతూ వస్తోంది. వనరులూ తగ్గుతూ వస్తున్నాయి. దీన్ని దృష్టిలో పెట్టుకునే మన భూమిలాంటి నివాసయోగ్య గ్రహాల కోసం ఖగోళ శాస్త్రవేత్తలు చాలాకాలంగా అన్వేషిస్తూనే ఉన్నారు. ఒకవేళ భవిష్యత్తులో ఎప్పుడైనా భూమి నివసించటానికి పనికిరాకుండా పోతే, మానవజాతి అంతరించకుండా చూడటం దీని ఉద్దేశం. ఈ నేపథ్యంలో అమెరికా అంతరిక్ష సంస్థ నాసా శాస్త్రవేత్తలు ‘భారీ భూమి’ని (సూపర్ ఎర్త్) గుర్తించారు. -
ఇంటి గాలిని వడపోసే మొక్క
వాయు కాలుష్యం అనగానే రద్దీ రహదారులు, పారిశ్రామిక పాంతాలే గుర్తుకొస్తాయి. కానీ ఇళ్లు, కార్యాలయాలూ తక్కువేమీ కాదు. ఆ మాటకొస్తే బెంజీన్, టొల్యూన్, జైలీన్, ఫార్మాల్డిహైడ్ వంటి వాయు కాలుష్య కారకాలు ఆరుబయట కన్నా ఇంటి లోపలే 2 నుంచి 5 రెట్లు ఎక్కువని అమెరికాకు చెందిన ఎన్విరాన్మెంటల్ ప్రొటెక్షన్ ఏజేన్సీ చెబుతోంది. -
అంగారకుడి శోధనకు వినూత్న వ్యోమనౌక
అంగారకుడి శోధనకు అమెరికా అంతరిక్ష సంస్థ నాసా వినూత్న వ్యోమనౌకను రూపొందించనుంది. దీని పేరు మార్స్ ఏరియల్ గ్రౌండ్ ఇంటెలిజెంట్ ఎక్స్ప్లోరర్ (మ్యాగ్గీ). -
గోబర్ గ్యాస్ రాకెట్!
గోబర్ గ్యాస్తో వంట చేసుకోవటం పాత విషయమే. దీంతో రాకెట్లనూ నడపొచ్చని తెలుసా? జపాన్కు చెందిన ఒక అంతరిక్ష సంస్థ అలాంటి రాకెంట్ ఇంజిన్నే రూపొందించింది. -
హ్యామ్- అంతరిక్షంలోకి వెళ్లిన తొలి చింపాంజీ
మనుషుల కన్నా ముందు జంతువులే అంతరిక్షంలో అడుగుపెట్టాయి. వీటిల్లో హ్యామ్ అనే చింపాంజీ ఒకటి. అమెరికా చేపట్టిన మెర్క్యురీ ప్రాజెక్టులో భాగంగా ప్రయోగాత్మక రాకెట్ ద్వారా ఇది అంతరిక్షంలోకి వెళ్లింది. అప్పుడు హ్యామ్ వయసు మూడున్నరేళ్లే. గంటకు 8,046 కిలోమీటర్ల వేగంతో దూసుకెళ్లిన రాకెట్ ద్వారా ఇది 241 కిలోమీటర్ల ఎత్తుకు చేరుకుంది. -
స్వయం ప్రయోగశాలలు
స్వయం చోదక వాహనాల గురించి తెలిసిందే. ఎక్కి కూర్చోగానే వాటంతటవే గమ్యానికి చేరుస్తాయి. మొదట్లో సైన్స్ ఫిక్షన్ కథలా అనిపించినా ఇప్పుడివి కొన్నిదేశాల్లో నిత్య జీవనంలోకీ వచ్చేశాయి. -
భారీ విశ్వదర్శిని!
అంతర్జాతీయ టెలిస్కోప్ ప్రాజెక్టు స్క్వయర్ కిలోమీటర్ అరే(ఎస్కేఏ)లో మనదేశం అధికారికంగా చేరనుంది. దీని నిర్మాణానికి రూ.1,250 కోట్లు కేటాయించాలని నిర్ణయించింది. -
కీటకం ఈత గుట్టు
కీటకాలకు ఒలింపిక్ క్రీడల పోటీలు నిర్వహిస్తే ఈతలో వర్లిగిగ్ బీటిల్ బంగారు పతకం కొట్టేయటం ఖాయం. ఉండేది సెంటీమీటరు పొడవే అయినా వేగంలో దీన్ని మించిన కీటకం లేదు -
కిరణజన్య సంయోగక్రియ మూలం!
మన భూమ్మీద ప్రాణులు జీవించి ఉండటానికి ఆక్సిజన్నే ఆధారం. దీనికి మూలం కిరణజన్య సంయోగక్రియ. వృక్షాలు, మొక్కలు గాల్లోంచి కార్బన్ డయాక్సైడ్, భూమిలోంచి నీరు, సూర్యుడి నుంచి కాంతిని గ్రహించి చక్కెరను సృష్టించుకుంటాయి. -
బొగ్గు దాణా!
బొగ్గుతో ఏం చేస్తారు? పొయ్యిలో మండించి వంట వండుకుంటారు. విద్యుత్ కేంద్రాల్లో విద్యుత్తు ఉత్పత్తి చేస్తారు. ఇంకేం చేస్తారు? చైనా శాస్త్రవేత్తలైతే దాణానూ తయారుచేస్తారు