రేవంత్‌ మొండిఘటం.. పోరాడి అధికారం సాధించుకున్నారు: అసదుద్దీన్‌ ఒవైసీ

        మెట్రో ఫేజ్‌-2 విస్తరణ పనుల్లో భాగంగా సీఎం రేవంత్‌తో పాటు సభలో పాల్గొన్న ఎంఐఎం అధినేత, హైదరాబాద్‌ ఎంపీ అసదుద్దీన్‌ ఒవైసీ వ్యాఖ్యలు ఆసక్తి రేకెత్తించాయి. ‘హైదరాబాద్‌కు గుండెలాంటి పాతబస్తీకి వచ్చిన సీఎం రేవంత్‌రెడ్డికి స్వాగతం. తెలంగాణ ప్రజలు మిమ్మల్ని గెలిపించారు. మీ చేతుల్లో ఐదేళ్లు అధికారం ఉంటుంది. మీరు చేసే అభివృద్ధికి పూర్తిగా సహకరిస్తాం’ అని పేర్కొన్నారు. రేవంత్‌ సర్కారు త్వరలో కూలిపోతుందని భారాస-భాజపా నేతలు ఇటీవల పదేపదే అనడం.. కాంగ్రెస్‌ అయిదేళ్లు అధికారం ఉంటుందని తాజాగా అసద్‌ స్వయంగా సీఎం సమక్షంలో పేర్కొనడం గమనార్హం. రేవంత్‌ మొండిఘటమని.. పోరాడి అధికారం సాధించుకున్నారని ప్రశంసించారు.